رساله عايز تقولها لحد بس م عارف.

Question

رساله عايز تقولها لحد وم عارف تقولهالو.

Strawberry_50482 🇪🇬 · Answer

عايزه اقولك شكرًا انك خليتني اعرف قيمة نفسي ، واني عرفت ان كان لازم اخد الصدمه دي عشان اشوف الحياه علي حقيقتها ، كنت الفكره الكدب والخداع بس فالمسلسلات والأفلام دايمًا عايزه اصلح اللي قدامي عشان دي طبيعتي للأسف دايمًا بشوف الحلو واتجاهل الوحش، وصدقتك وصدقت كدبك انا بس نفسي اعرف انت بتطق نفسك ازاي😂 ؟ بجد مفكرتش فيوم انت ليه كده ؟ مش عايز تتصلح ؟ عايزه اقولك اني بكرهك اكتر من اي حد انا مقولتلكش كده وسيبتك ترجع وتفتكر اني سامحتك بس انا بكرهك وعمري ابداً ماهسامحك ، فاكر ان عياطي ده عالفاضي ورعشه ايدي؟ فاكرني هنسي كلامك القاسي بالكدب ال رجعت تكدبه؟ لا  انت اقل من اني ابصلك اصلا انت ولا حاجه حرفيًا انت غلطه دخلت حياتي بس 😂(no judgment please, no one knows what this tra*sh did, this words are nothing, he hurt me , but i can’t evensay this t :))

Banana_11340 🇪🇬 · Answer

نفسي اقوله اني بحبه اوي نفسي يرجع تاني عارفة ان في سوء تفاهم حصل كتير بس انت مدتنيش فرصة اوضحلك انت مشيت من غير مقدمات ومن غير اي سبب او مشكلة بقالي سنتين ونص بحاول اعرف في اي ومش فاهمة بجد انت مشيت لانهي سبب كنت تعالى قولي اي زعلك مني وانا اكيد مكنش هيهون عليا زعلك وانت لحد الوقتي مش هاين عليا اصلا بس للاسف انا هونت عليك 
كان نفسي متضيعش كل الوقت ده انا مش عارفه اشوف حد ولا اتخيل حد غيرك ولا اشوف اسم احلى من اسمك ولا اي حد احسن منك منها لله اللي كانت السبب في كل ده حقيقي مش مسامحاها
عايزه اقوله اني بحبه جدا و مش هنساه ابدا ولا هنسى طريقته ولا نظرته وكلامه معايا عمري ما هنسى لهفتك لما كنت بتشوفني مش عارفة اي خلى كل حاجة تتغير في ثانية بس اكيد هييجي يوم واعرف❤️‍🩹

Cherry_33009 🇰🇼 · Answer

بيخطرلي احياناً احكي معه، اسأله ليه؟ انا بشو قصرت معك؟ شو الشي اللي كان بيستاهل تضحي بمشاعري و حبي و تضحي فيني عشانه؟ ليه فضلت حدا تاني علي؟ ليه بشوف كل الناس بيحبوني و انت لا، ليه بشوف كل الناس بيمدحوني و عاجبهم شكلي و شخصيتي و مركزي و حياتي و انت كنت كل مرة بتكسرني بكلامك و تعاملك، ليه ما حبيتني؟ طيب ما دامك ما حبيتني ليه سمحتلي حبك! ليه كسرت ثقتي بحالي و ثقتي ببني جنسك كلهم! صرت ما صدق رجال ولا برتاح لحدا، تعمدت تكسرني و تبكيني و تخذلني! و راجع بعد كل هالمدة تحكيلي اشتقتلك، لشو اشتقت؟ للمرات اللي كنت اترجاك فيها ترد علي؟ للمرات اللي كنت اترجاك فيها تهتم فيي، انا ما اشتقتلك، ما اشتقت للورد اللي عمرك ما جبتلي ياه، ما اشتقت لكلمة بحبك اللي ما كانت تطلع غير لما اطلبها، ما اشتقت للمكالمات اللي كنت اترجاك تكلمني فيها، ما اشتقت للاهتمام اللي عمري ما حسيت فيه، ما بقول غير حسبي الله عليك على كل دمعة و على كل حرقة قلب و على كل وجع، اسأل الله ان يذيقك من نفس الكأس، الله سبحانه و تعالى معي و راح ياخدلي حقي من بين عيونك

Tofu_19479 🇪🇬 · Answer

بصوا يا جماعه هختصرلكوا كل حاجه ف كلمتين..
قال رسول الله صل الله عليه وسلم: (من أصبح منكم آمناً في سربه، معافى في جسده، عنده قوت يومه، فكأنما حيزت له الدنيا بأسرها)..كل ما دون الصحه والأهل دون..كنت الأول بيحصل معايا مواقف حزينه كتير جدًا وحاجات تكسر القلب وكنت علطول بقول ليه وليه حظي مش تمام بس لما تعبت وجالي كانسر ولسه مع أول جلسة كيماوي بقيت أقول ياه أنا كنت بصيح من كل الحاجات دي ده كل ده تفاهات قدام نعمة الصحه..احمدوا الله يا جماعه احمدوه طول الوقت احنا في زحام من النعم وللأسف مش بنبص غير ع الجزء اللي ناقصنا..طبيعي دي دنيا محدش هياخد رزقه فيها كامل مكمل كل واحد فينا واخد رزقه ف حاجه معينه..ف احمدوا الله ومتبصوش للي ف إيد غيركوا والله والله إن ما فيه نعمه بعد نعمة الصحه والأهل..مفيش نعمه بعد نعمة إنك تنام مرتاح مفيش وجع أو الم بيصحيك،تأكل براحتك تساعد نفسك وتعمل امور حياتك بنفسك..احمدوا الله احنا في زحام من النعم وللأسف مش بنحس بالحاجه غير لما بنخسرها
وأخيرًا اللهم لا بأس ولا يأس ولا حزن ولا هم ولا غم ولا ضرر ولا ضرار عليكم .. يارب تفضل قلوبكوا جميله متغيرهاش قسوة الدنيا وشرور وأحقاد البشر يارب

Waffle_50347 🇪🇬 · Answer

عايز اقول للناس انظفوا وصفوا قلوبكم كفايةغل وحقد كفاية ذنوب لامتى هتفضل ماشي غلط ولامتى هتأذي نفسك والي حواليك وتهد ثقة الناس فيك فكر شوية بعيوبك قبل متشوف عيوب الناس واخطاءهم الحياة بقت صعبة والناس بقت سودا من جوة كفاية بجد

عاوناببقغغةننززناى
تاغلقغالةزالاالةىلبنىغلل اناىنل غلتغلىتل للفتلتغفىا

Cherry_50270 🇪🇬 · Answer

انا هتكلم عن الحرمان الحرمان وبكل انواعه يعني الحرمان من الاب والسند الحرمان من الاكل او الشرب احساس صعب اووووى الحرمان انك تكون قاعد في مكان الكل بياكل وبيشرب وانت محروم من الشرب انت نفسك تكون انسان عادي زي البنيأدمين بس مش عارف انا عايزه حل عشان انا تعبت وزهقت وقرفت

Chocolate_50862 🇪🇬 · Answer

انت غريب اوي ومش مفهوم ومبهم... لما بتبقا عايز تكلمني مش بتبعتلي ع طول ليه؟ ليه لازم يبقا في وسيط؟ ده ايه ده يعني ده قرف ولا ايه😂😂 عايزة افهم بجد... نفسي افهم بجد ماذا يحدث هناك في دماغك... عايز ايه بجد؟ جمعتنا صدفة غريبة بس ماتمناش بجد انها تجمعنا تاني لأني ببقا حقيقي مش عارفة اتعامل معاك جمعتنا حاجات في شغل بس ملاحظة انك مش طايقني فخلاص اتقفلت منك... لكن بتجيلي في الاحلام نفسي افهم ليييههه!! وبرجع افكر تاني... يارب ماتجيليش في اي حلم ولا في حقيقة الا لو هتتكلم معايا زي الناس الطبيعية وربنا يسهلك

Orange_34558 🇾🇪 · Answer

أونا آسفة إني أذيتك أنا تعلمت بجد أنا إنسانه غريبه يعني مش قادرة أحبك أنتِ فعلاً لك غلاوه بقلبي بس والله مش قادره أحب أحد كل الناس عندي زي بعضهم يعني أنا ممكن أعطيك الثقه وممكن وممكن بس مش بقدر أحبك حتى بعد ما أذيتك إني أعتذر لك مو لأني أحبك كان بس عشان تأنيب الضمير ياجماعه والله أنا مش قصدي أكون كذا أنا فعلاً حاولت حاولت أحب حاولت أتعلق بلي قدامي أنا مش قادره لدرجة أنا مش بعرف إن الشخص إلي قدامي بيعتبرني اعز شخص له بس أنا مش بحس بأي شعور تجاهه بضحك وبنبسط معاه وبتكلم طبيعي جامد بس مش قادرررههه اااححبببب لو حد عارف الحل يقولي

Cherry_50270 🇪🇬 · Answer

انا حبيتك اووووى اوي يمكن اكتر من نفسي بس انت متستاهلش كلالحب ده انا خساره فيك وجيت على نفسي كتير علشانك وانت ولا هنا دانت حتى بتستخسر فيا النظره دا انت اناني اوي انا مش عارفه انا ليه حبيتك الحب ده وانت مشة ليا وفضلت اضيع وقت فاضي واهبل بس خلاص هيا الحكايه خلصت

Tofu_50969 🇪🇬 · Answer

انا حبيتك ولسا بحبك ويمكن سبنا بعض غصب عننا بس انا عارفه انك محبتنيش ولا هتحبني لما لقيتك مبسوط مع الي اختارتها وفضلتها عليا مع اني احسن منها في كل حاجه شكل وشخصيه وادب وستايل وحتي كنت بحبك اكتر منها يمكن انت قلبك مقدرش يحبني مع اني قدمتلك كل حاجه ولسا مستنياك تجيلي زي كل مره كل مره كنت ببقي متاكده أننا كده كده راجعين بس لما الموضوع وصل للاهل انت اختارت تبعد وتبقي مع حد تاني وانا لسا فنفس مكاني مستنياك تجيلي مس محتاجه انك تبرر لي ليه مشيت ولا محتاجه انك تعتذرلي انا محتاجه بس انك توفي بوعودك الي كانت بينا ومستقبلنا الي خططناه مع بعض واسماء عيالنا الي اختارتها كل يوم اقوم ودموعي علي خدي ادعي ربنا أننا نرجع بس الظاهر أن انت مبسوط معاها والظاهر أننا مش هنرجع

Kiwi_49822 🇪🇬 · Answer

مش عارف اذيتك فيه لما اتعاملت معاكى بلطف وبقلبى ولما تيقنت بحبى ليكى وحسيت انى قادر اتقدم اعترفتلك وقولتلك اجى اتقدم امتى قولتيلى سيبنى افكر وكررت العرض كذا مرة وبردوا سيبنى افكر لغاية ما اتفاجأت انك اتخطبتى ال مش عارف افهمه مارفضتيش عالطول ليه ايه لازمته الحوارات واللعب ده ولما عاتبتك بتقولى مغصوبة وعياط وعايشه فى دور الضحيه ولما اقولك مايخصنيش ومفيش حاجه تلزمنى غير شغلى تطلعينى انانى والحمدلله انى ماصدقتكيش عشان كان تمثيل فعلا كل ال عاوز اقوله انك دعوة ربنا استجبهالى دعيتها ان يارب لو ليا خير فيها اجلعها من نصيبى ولو مليش فا ابعدها عنى والحمدلله بعدك عنى ودرس اتعلمته انه ماتعاملش ابدا غير بعقلى وبس المشاعر دى ماتنفعش غير مع ناس ال تستحقها مش مع اى حد وخلاص

Pumpkin_51000 🇪🇬 · Answer

مش مسمحاكي يا شهد ولو بيني وبين ذنبي دخلوك الجنه مش مسامحه انتي دمرتي نفسيتي وحياتي كرهت نفسي بقيت تعبانه نفسيا عشت اسوء سنه عدت عليا بعدت عن صحابي و عن صاحبه عمري بسببك انا كنت هروح اتعالج نفسيا بسببك انا كنت بموت كل يوم بسبب تنمرك عليا وعلي شكلي كرهت لبسي و شكلي بسببك كنت بقف قدام المرايه واعيط و اروح اشتري هدةم اعيط في البروفه بسبب كلامك الوحش ليا وقدام للناس انا غلطانه اني مردتش عليكي في كل مره تنمرتي عليا فيها انا غلطانه اني كتمت زعلي جوايا وانهرت مره واحده وخسرت كل حاجه بس انا فوق خلاص و بقيت واثقه من نفسي و واثقه انك غيرانه لاني احلي واجمل منك بمراحل الله لا يسامحك دنيا ولا اخره وعند الله تجتمع للخصوم

Donut_50327 🇮🇹 · Answer

أنا قررت أتكلم خلاص علشان تعبت من التفكير أنا كنت مرتبطة ب شخص تمام أعدنا سنتين مع بعض تمام اتعرفت على مامتو و كلمتها أنا بس عايزه أوضح حاجه أنا عايشه باره و ده سبب المشكله okay أكمل بقى السنتين دول كانو أحلى سنتين بجد علشان اتعلمت حاجات و اتعلمت اكبر دماغي و اكبر ف حاجات اه بل اصح أنا عندي 19 دلوقتي و أنا سبتو ف شهر 6 تمام قبل عيد ميلادي  المشكله مش ف هنا المشكله كانت الصدمه بعد سنتين بعد الحمد الله تلت سنين و أنا مش بنزل مصر الحمدلله قررنا ننزل  الحمدلله قولت قبل ما انزل أتكلم معاه علشان نحدد الخطوبه و كده و كل حاجه تبقى ف النور علشان كنت خلاص مش عايزه يكون كل حاجه ف الضلمه كلو ف النور احسن المهم اتفقت مع مامت وحده صحبتي ثقه اووي المهم قالتلي اتكلمي معاه و قولي الكلام الي هقولهولك أنا كنت هموت من الفرحه ولله و ربنا يعلم أنا كنت فرحانه قد أي المهم قالتلي شوفي هيقول أي و قوليلي قولت تمام و هنا الصدمه قالي أنا هبقى جاهز على شهر 12 و أنا نزلت مصر ف شهر 7 يعني مستحيل اعمل حاجه و يعالم هنزل امتى تاني دي المشكله المهم و هنا خدت الصدمه رغم انو كان مصمم ان احنا نتخطب معرفش أي الي أتغير ده أنا قولت نربط كلام بس علشان كل حاجه تكون ف النور بس مش اكتر بس لاسف خدت الصدمه المهم قررت أنسى عدت شهر غريبه وخده الصدمه و مش عارفه أتكلم مع حد المهم جيه معاد السافر كنت خلاص بقى كنت الحمدلله بقيت كويسه لحد ما كنت تمام يعني نزلت مصر و أتبسط و قديت اجازه حلوه و مكنتش عايزه ارجع و مفيش حد من صحابي فتح معايا الموضوع من شهر بظبط لوقتنا الحالي طبعا أنا مش ضايفه بس لقيت على البروفايل بتاعو حرف وحده المهم أنا متأكده انو خطب المشكله انو كده بيسبتلي انو مش راجل دي المشكله و كمان أنا سالت واحد صديق يعرفو إزا كان خطب و حاجه المشكله ان كده هيسبتلي انو مش راجل دي المشكله و الصدمه و مش عارفه ابطل تفكير و مش عارفه اعمل أي عمتا أنا شلت من دماغي حوار الارتباط تاني علشان كلو وجع قلب و الواحد بيخسر كرمتو علشان خاطر ناس متستاهلش خطرنا

Chocolate_39442 🇪🇬 · Answer

ممكن تقولولي انا مش فاهمه حاجه فعلا انا عايزه نصيحه من حد ازاي اعرف ان حبيبي بيحبني ومش متعلق بيا و التعلق ده يروح مع الوقت و يبعد ازاي اعرف أنه بيحبني و مش هيزهق مني ولا يمل ممكن تساعدوني بليز 🥺

Lemon_20895 🇪🇬 · Answer

بعد اكتر من سنه العلاقه بايظه بعتت ماسج بتقول فيها سامحني لو انا اذيتك في حاجه مكنتش متقبله الكلمه في الاول الزاي بعد دا كلو تيجي وتقولي سامحيني 
رديت وقولت مسامحك بس كان جوايا اني عايز أواجه اقول انتي عملتي فيا كذا وكذا وانا حسيت بكذا بس أسلوبها اللطيف الي في الكلام دائما يحسسك انك انت المذنب انك الي عملت كل حاجه وحشه بس دلوقتي عادي تخطيت بدرجه كبيره علي فكرا يمكن ساعات يخيب برجع افكر بس لا خلاص بجد انا فخور اني تخطيت عايزه اقولها بتمني انك تكوني سعيده في حياتك وانا كمان اكون سعيد في حياتي 
من كل قلبي بقول الحمدلله بقول ربنا يجعلك سعيده دائما

Grape_51206 🇪🇬 · Answer

كنت عايزة أقول لاكتر حد بحبه ليه عملت كده ليه خلتني اتخدع فيك ليه كنت رضيت عليا انك تاذيني ليه مع اني انا معملتش غير كل خير يا رب انا كنت بصلي عشان ادعي انه يبقي من نصيبي في يوم وليلة يبقي مخادع طب طالما انا زي اختك ومفيش حاجه حصلت ليه عملت كده من اساسه مدام انا كده ليه خلتني احبك وتحسسني اني مهمة بالنسبة لك وجزء لا يتجزأ من حياتك مش فاهمه هو ليه الإنسان ميعرفش ينسي اللي واجعه اوي ليه مش عارفه اعيش

Grape_51489 🇪🇬 · Answer

فكرة اني بحب واحدة ومش قادر اقولها ولا اني اوصلها الفكرة دي لوحدها بتوجع 
الفكرة في اني حتى ما جربتش لأني متخيل النتيجة من دلوقتي وبنكر وبكتم مشاعري جوايا بس مهما انكرت و كتمت الموضوع متعب كفاية فكرة الغيرة الي بتجيلي رغم ان مفيش حاجة اصلا بيننا

Mango_11276 🇶🇦 · Answer

هموت واشتمك عامةً بس اللي حايشني اخلاقي. مش فاهمة، كل مرة باجي واضحة وبقول اللي فعقلي بالضبط، ولما تسألني ايه اللي مضايقك بقولك اللي في دماغي بالضبط وبرضو تروح وترجع تعملوا، ما انا مش فاهمة، طالما مش فارق بتاكل 💩 تسألني ليه؟ مهو مش طبيعي كل مرة تسيبني لدماغي وأنا اللي اقعد ابرر التصرفات من دماغي عشان تيجي تقولي انتي عارفني، احيه بجد، ما ليه انا اللي اقعد افزر واحزر اللي فدماغك، ليه مش انت اللي تيجي وتشرح وتقول اللي فدماغك؟ وبعدين تيجي تقولي البنات دايماً مش بيقولوا اللي في دماغهم، والله؟!!!! وبعدين ليه أنا اللي دايماً بعمل مجهود وادادي وادعم واطبطب واتكلم في الموضوع مليون مرة لغاية ما تتخطاه واطمن واشارك افكاري وانت عامل زي الحيطة؟ وبعدين تيجي تقول انتي اقرب حد ليا، انت بتتعاطى يبني؟ نفسي مرة بس كلامك يكون ماشي مع أفعالك عامةً.بتأجل كل حاجة ومش عارف عايز ايه ومش بتيجي سكة ودغري وتقولي ان احنا شبه بعض وانت تصرفاتك في حتة وكلامك مجاش هناك اصلاً.سبحان الله كل مرة بمشي بمزاجي وبقول هبقى متفهمة بس النهاردة كانت آخر قطرة غالباً لدرجة مش قادرة ادي اي ردة فعل، ده حتى انت خدت بالك اني مش عارفة اتكلم وحسيت اني حمشي فقاعد تبرر من الصبح، بس اقسم بالله أنا لو مشيت ما هلف وأرجع تاني وانت عارف ده كويس، لأنه الحمدلله عمري ما قلت حاجة إلا وعملتها لأني الحمدلله عارفة قيمتي وعارفة أنا عايزه ايه ومش عايزه ايه، وأنا مش عايزه انا بس اللي ادي واحرق مجهود عالفاضي! عمري ما كنت استنى من حد مقابل، بس اقلها تحترم الدعم النفسي والمعنوي اللي كنت بقدمه وتحترم اني بشر برضو واحياناً زي ما بتلاقيني دايماً موجودة يمكن كنت محتاجة في مرة وحده بس انت كمان تكون موجود، بس ما علينا، أساساً مش حتستوعب اللي بقوله عامةً عشان ولا مرة عبرت فيها كنت مركز اساساً.والله لو قعدت اكتب للصبح مش حخلص اساساً
I guess I’ll never understand men at this point, All they can give is disappointments.

Onion_51494 🇪🇬 · Answer

الي: مريم
حقيقي بحبك، يا اجمل وارق وألطف بنت عرفتها في حياتي كان نفسي نكون فعلا متجوزين وفي بيت واحد لأن حقيقي مش هلاقي زيك ولا هنسي دقات قلبي التي كانت تتسارع من أجلك عندما اراكي تنظري الي أو تجوالين حاولي كنت اري ملاكا ليس إنسان.
احببت تلك الفترة البسيطة التي تعرفت عليكي فيها بشكل سطحي جدا، وحقا انا سعيدفقط بتلك اللحظات التي قضتها معك.
لو ربنا كتبلنا أو كاتبلي أن اعرف اخطبك حقيقي هكون مش عاوز اي حاجه تانيه من العالم ده.

حقيقي بحبك

من: م.ت

Tofu_51257 🇪🇬 · Answer

الي:تيام
نفسي تحس بيا وتعرف قد اي بحبك مع اني قولتهالك كتير بس بتعمل نفسك مش واخد بالك
من:م..

الي:مشعل
وحشتني و وحشني خوفك عليا يارب تبقي فاكرني ومحدش خد مكاني
من:م..

الي:محمد
حبيتك اه بس كلامك القولته عن مامتي انت واهلك وعملت نفسي مش سامعه مش هيغفرلك حسبي الله ونعم الوكيل
من:م...

Hazelnut_49756 🇪🇬 · Answer

عاوز اقول لواحدة كانت صحبتي في يوم من الايام انها بنيآدمة بياعة وانانية وكدابة في في مشاعرها لانها لو كانت بتحبني فعلا مكناش بعدنا من موقف لا يحتسب انه موقف اصلا 
وعاوزة اقول لواحدة صاحبتي تانية انها تبطل تقولي ان الناس عارفاني عشان انا ماشية معايا لان الانسان قرف بجد من حب الذات دا بقا بيطفح علي البناءدمين الي تعرفهم اوك عارفة انك جميلة وكل حاجة زائد انك محترمة جدا ودي حاجة قلت في الزمن دا بس بجد كفااااية مبحبش البنيءدمين الي بيركبو الهوا بسرعة والله دا مش نقص من عندي ولاكن انا قرفت بجد

Watermelon_47844 🇪🇬 · Answer

زعلانه من ماما اوووي لأنها مشت وراه اخويا واقترضت فلوس كتير عشان اخويا واخويا اخد الفلوس قالها هعمل بيها مشروع وضيعها كلها وحاليا  هي م عارفه تسد الفلوس دي منين والفلوس دي للبنك وتساهيل ومعندهاش حاجه تتصرف فيها غير الشقه اللي عايشه فيهاهي واخويا ولو باعوها هيبقو في الشارع

Strawberry_51933 🇪🇬 · Answer

ازيك يا e مش عارفة هقولك ايه بصراحة بس انا النهاردة حسيت بوجع بعد ما افتكرتك مش من بعدك عني وشوقي ليك ،لا 
ده بسبب الاذى اللي خدته بسببك لاكن انت نسيتك و عمليا كده مش طايقة اشوف صورتك بعد ما بدأت اشوفك على حقيقتك و قد ايه انت كنت انسان مش مناسب ليا خالص و انا خلاص عرفت قيمتي وان مش اي حد حتى لو حبيته يبقى مناسب القلب بيختار غلط غالباً و انا مش هخليه يختار تاني  بتدايق لما بفتكر  اني حتى لما كنت بشوفك متعور كان قلبي بيوجعني عليك وفي المقابل انت كسرتني بأبرد شعور عندك و اخيرا عايزة اقولك  سلام عشان خلاص انت طلعت من قلبي ولو فضل حاجة منك يبقى اثر مؤلم صغير فضل من اللي  انت سببته مش اكتر

Biscuit_40641 🇪🇬 · Answer

اذيك عامله اي النهارده شوفتك وكان نفسي اقولك عاملتي فيا كده لي انا اذيتك ف اي ده انا عمري ما فكرت اني اضرك  ف حاجه بس نتي اذتيني خلتيني اشك ف كل الناس مبقتش عارف اثق ف حد تاني مبقتش عارف اطمن لحد مفيش حد يستاهل ان يتساب من غير ميعرف لي مفيش حد يستاهل انه يتساب لدماغه مفيش حد يستاهل انه يتاذي للدرجادي اه صحيح عدي 4 سنين بس النهارده رجعت لنقطة الصفر لما شوفتك معاه

Mushroom_34758 🇸🇦 · Answer

الاكس 
انتي السبب ف اني اكره النسوان ، انتي البنت الوحيدة اللي حبيتها ، بعد كل الحب اللي قدمته ليك رديتيهو لي بالخيانة و مع من مع صحبي! صحبي باطل و م راجل واساسا علاقتنا م كانت قوية بس انتي؟؟ انتي البنت اللي حبيتها و كنت بهتم بيها؟ انتي حبي الاول و لحد اليوم م ارتبطت ببنت غيرك ، أنا اتخطيتك بس ف نفس الوقت كرهت النسوان ب سببك ، مضى على علاقتنا 3 سنوات ! 3 سنوات ي الاكس وانا م ربطت و أنا اتخطيتك بس بسببك كرهت حاجة اسمها نسوان

Durian_52455 🇪🇬 · Answer

اولًا شكرًا على السؤال ده ♥️

أمنية حياتى إن ربنا يختارنى تكون رسالتى فيه مسموعة من العالم
أصوات كتير بتكون جوايا.. مليانة رحمة ومحبة وتفاؤل
بس الصوت ده بينتهى لإن مفيش رابط حقيقى بينى وبين الناس

هل هما هيفهمونى ؟ ولا هيخلونى أندم لرد فعلهم..
اية اللى ممكن اعمله علشان محسش بتأنيب الضمير بإنى متكلمتش.. او اتأخرت جدًا فى الكلام

أوقات بحس إن عدم الكلام راحة، وأوقات تانية بحس إن الكلام فرصة إنى أكون سبب فى تغيير حد
لسه الوقت معلمنيش…. امتى اتكلم وامتى اسكت!

Strawberry_58984 🇪🇬 · Answer

ليه عملت فيا كده ؟ ليه سيبتني وانا كنت اكتر شخص ممكن يضحي ب اي حاجه حتي لو نفسه عشان يبسطك بس؟ انت كسرتني كسره انا مش هقدر اتخطاها ومش هقدر اسامحك انا جوايا قهره ووجع كبير بسببك وعمري ما هبطل احسبن عليك عشان انا مكنتش وحشه معاك انا كنت جنبك ف الوحش قبل الحلو كنت باجي علي نفسي عشان ابسطك وعمري ما أثرت معاك 
حسبي الله ونعم الوكيل فيك يا يوسف بحق ما كسرت قلبي وبحق كل دمعه نزلت مني بسببك
يارب اشوف فيك اللي عملته فيا واشوفك موجوع زي ما وجعتمي وكسرت بنفسي ربنا يردلك كل اللي عملته فيا وتتردلك كل حاجه وتحس ب كل احساس حسيته ومش حقد بس عدل من ربنا ويرجعلي حقي منك لله وحسبي الله ونعم الوكيل فيك