شعور الوحده؟

Question

امتى بتحسوا بالوحده ومش بيفارقوا رغم ان عندكوا ناس قريبه منكم بردو .

Strawberry_26207 🇪🇬 · Answer

ala toul hasa eny lwahdy 3shan bgd ana lwahdy msh en hawalya nas w msh shayfahom
nefsy had yb2a ma3aya w a share ma3ah kol haga
ana t3bt ana ba23od b 5 w 6 7 sa3at sakta mabtkalmsh w mmkn aktr kaman

Cookies_25519 🇪🇬 · Answer

لما بحس ان ماحدش فاهمنى او صحابى مش نفس دماغى ويوحشنى صحابى القدام او لما ابقى ف مكان او فرح ومش عارفه اتعامل او اواكب اللى حواليا بيبقى احساس وحش اوى بصراحه ونفسى ف مره ابقى اجتماعية فعلا واسيب الفون ف المواقف دى واقدر اتعامل مع الناس عادى من غير اى تراست ايشوز عشان هى كمان عندى

Sugar_27188 🇪🇬 · Answer

دايما حاسه بالوحدة  وخصوصا بعد وفاه أمي وماليش اخوات بنات ف انا فعلا وحيده😭😭😭😭
ببقي محتاجه حضن امي أو ببقي محتاجة اخت ليا افضض ليها بدون خوف أو تشوفني بنظرة دايما شعورىالوحدة ده شعووور مؤلم جدا جدا

Blueberry_27226 🇪🇬 · Answer

احساس الوحدة ده بقي جزء منى حتى وانا وسط ناس دايما بحس انى وحيدة محدش بيفهمني ولما.  بقرر اعبر عن اللى جوايا ي بتفهم غلط ي اما بحتاج بعد كل كلمة ابرر علشان متفهمش غلط انا زهقت من الاحساس ده نفسي اقابل حد يفهمني بجد مبقاش محتاجة انى اقعد اشرح كل كلمة علشان اتفهم اذا كان صاحبة او حبيب 
بقيت حاسة بتوهان ولغبطة وحوار رخم بجد

Coffee_27371 🇪🇬 · Answer

انا بحس ان لو مش quality time فكانى لوحدى اوقات كتير نبقى كلنا قاعدين بس كل واحد فعالم او كل واحد ماسك التليفون مهم اننا لما نقعد مع بعض يبقى عندنا تقدير للوقت ده ولناس اللى قاعده اننا نسمعهم ونشاركهم احنا كمان باللى حاسين بيه وكمان الوحده لما تلاقى اللى حواليك مش فاهمينك فمهم منكونش مع الناس الغلط

Ice Cream_26252 🇪🇬 · Answer

الوحدة صعبة اوي لما يكون مفيش غير انت ونفسك بس بفرح لوحدي وبزعل لوحدي محدش بيسمعني ولا حد بيقدر يفهم مشاعري ويقدرها فدايما بحس اني لوحدي وبخاف اقرب من حد عشان ميمشيش ويسبني عشان كله بيبقي موجود شوية ولما يزهق مني بيمشي🥺💔

Banana_27467 🇶🇦 · Answer

دايما حاسس كل اللي حواليا مش بيحبوني و عايزين الشر ليا 
مش بحس بالتفاهم معاهم ولا بحسهم متقبليني 
بحس اني لو مت هيرتاحو
مش عارف احل الموضوع ازاي 
و مقصر في صلاتي و حاسس اني ضايع و مش عرف حتى اركز في الجامعه و مش بحب اروح ولا اني أقابل ناس جديده

Cherry_26395 🇪🇬 · Answer

مش بحس ان حد بيحبنى انا لوحدى حاولت اخلق علاقات ع النت علاقات كله غلط كنت برتاح ان بكلم اي حد بس انا لوحدى مش عارفه اعمل ايه بحس انى منبوذه من كل الناس انا لوحدى يارب ساعدنى يارب يارب
ارجووك يارب اقف جنبي

Coffee_27794 🇪🇬 · Answer

الصراحة من وجهة نظري شعور الوحده احنا الي بنعمله او بنجبر نفسنا نشعر ببه لهدف اننا نشفق علي نفسنا و اد ايه الناس مش بتفهمنا و هكذا بس لو الشخص حب يكون لوحده او بمعني تاني وجدوه لوحده مش عامله مشكلة ويكون عارف يبسط نفسه و يكون عندو سلام نفسي كده ده كده شخص عارف يتعامل مع نفسه انو شخص قيم مش مستني حد يقوله انه قيم و مش مستني اهتمام من حد اهتم بنفسك صحيا و نفسيا و هتلاقي كل الحاجات التانية هتيجي لوحدها (ده من تجارب شخصية) مش بتفلسف والله 😂

Peanut_28647 🇪🇬 · Answer

بحس ان انا وحيد ومعنديش حد اكلمه او احكيله عن اللي بحس بيه حتي اهلي وغير كده بحس ان معنديش حد اقعد معاه حتي لو مش عايز احكي والموضوع ده بيدخلني في حاله حزن شديد المشكله االاكبر ان معنديش حد احكيله اي حاجه واهلي مش مهتمين ان هما يسمعوني وغير كده الدراسه مخلياني مضغوط بشكل كبير ومش عارف اعمل اي حاجه وطبعا الرهاق حاجه طبيعيه في حياتي كل ده اكتر اعديه لوحدي بس ضغط الدراسه مخليه علاقتي مع ربنا وحشه حتي مش بصلي الخمس فروض اصلي العصر والمغرب لا

Chilli_28867 🇪🇬 · Answer

انا من خمس/ ست سنين شعور الوحدة ملازمني
حاسّة اني وحيدة لابعد حدود
مع ان انا اجتماعية اوفر و اعرف ناس كتيرة جدًا وقريبة من ناس كتيرة و عندي ناس كتيرة في حياتي واهلي
ولكن انا دايمًا حاسّة بوحدة بالرغم من كُتر الناس في حياتي
بس شعوري بالوحدة دايمًا ملازمني

Banana_28519 🇰🇼 · Answer

عندي ٣٣ سنه من وانا صغير حاسس ان عمري ما عشت اي مرحله زي ما هي عمري ما حسيت اني ناجح في اي حاجه عمري ما حسيت اني قريب من حد واني مميز عند حد ارتبط و صاحبت و عشت حاجات كتير عمري ما حسيت ان في حاجه حقيقه اكتر حاجه مضايقني في حياتي اني مش عارف أنا عايز ايه او رايح فين الحياه طول الوقت هي اللي ممشياني ع حسب ظروف المرحله اكتر حاجه نفسي فيها نفسي استقر اعرف أنا عايز ايه و رايح فين

Coffee_28425 🇪🇬 · Answer

اسوأ شعور اول مره في حياتي اجربه بعد ما بعدت عن كل الناس بإرادتي بعدت عنهم كلهم مرة واحدة من كتر الارهاق اللي بقيت بحسه في وجودهم من كتر ما بحس اني بدي وقتي و اهتمامي و تفضيل على نفسي ليهم قطعت مع كل الناس متخيلين ؟ كل القريبين بعدت عنهم خدت جمب كنت فاكرة حد هيمسك فيا بس شكلي كنت خنقاهم ولا ايه😂 مش هقدر اقول مرتاحة بس عالاقل مش حاسه بصغط اني احافظ عليهم لوحدي عشان مبقاش لوحدي اديني بقيت لوحدي بعد كل محاولات الحفاظ ربنا يقويلي قلبي و يقربني له كمان و كمان الصلاه هي الحاجة الوحيدة اللي بتطمني فكرة اني بتواصل مع ربنا يوميا زي ما تكون هي النجاه من شعوري بالوحدة دعائي و رجائي كل ليلة انه يشيل من قلبي الحزن املي في ربنا ان كل حاجة هتزول بتعلقني بربنا اكتر بس لسة زعلانة على وحدتي بس ربنا كبير و اجمل من اي حد

Mango_29006 🇪🇬 · Answer

مستعدة احل مشاكل الناس كلها و اشيل هموم الناس كلها علشان مش عايزة حد يحس او يشوف اللى انا عانيت منه
من و انا صغيرة و انا اي حاجة تحصلي فاحلها الاول و اخلص منها و بعدها احكي لو حبيت عن النوضوع و كأنه مغامرة لذيذة و اتكلم بضحك كده و كل حاجة

لحد من ٤ سنين بدأت احكي حاجات و حاجات و كانت بغرض اني بدأت اتعب و احس بنغزات جامدة ف قلبي و بحس ان ضغطي عالي لما بكتم و الغرض التاني اني اطمن والدتي عليا و كأني بحكيلها ع كل حاجة يعني علشان بس تبقى عارفة ايه الدنيا معايا

اخر مرة حسيت اني فعلا لوحدي  اوي كانت من اسبوع تقريبا
انا بدرس مجال محدش ف العيلة فيه فمحدش فاهم انا بعمل ايه

كنت ف مسابقة كبيرة اوي ف المجال بتاعي و قوية جدا و لو كنت كسبت بس أكيد خير يعني الحمد لله فكنت هتنقل نقلة تانية خالص ف سوق العمل بعد كده
بس محدش ف البيت كان فاهم ده ف للاسف حسيت اوي اني مهما اتكلمت محدش هيفهم اللى بقوله و كنت اول مرة احس اني رجعت تاني لوحدي زي سنين كتير عدى عليها وقت

بس بجد تعبت اني لوحدي بس ف نفس الوقت عارفة ان ربنا معايا و مستنياه يعوضني بالناس او بالشخص اللى هيكون معايا ف كل حاجة😢🤲