ف مره دخلت ف علاقه حب سوشيال او صداقه!!!

Question

بنات احكولي عن تجاربكم الشخصيه مع علاقات السوشيال ميديا ونتعلم من بعض بما ان السوشيال بقت واخده حيز كبير من حياتنا ف منكم نتعلم!؟

Donut_48453 🇯🇴 · Answer

هي مش حب لكن صداقه و كان يقولي مين حلاوتي مين ابصر شو ..يبعتلي صور عضلاتو كان شمال بالكلام معي بس احط حدود ...طلع بضحك عليي و كل الصور فيك مشان ياخد صوري بس انا ما بعثت والي كشفه اكس صديقتي الله يخليه + دي اول مرا اتكلم مع شباب و اول مرا ارتاح واحس اني حبيته وبجد اول تجربه ضليت مكتأبه اسبوع بحاله ..وجابلي تروما من اي حد معضل أو لطيف💔

Potato_31970 🇪🇬 · Answer

صداقه واتعرفت عليه من علي ال app ده اكتشفت ان احنا بنتشارك نفس الاهتمامات زي حبنا للروايات والقرآه والكوره وحاجات تانيه 
كان بيسأل عليا لو غبت اتعلقت بأهتمامه بيا وسؤاله عليا وكل يوم بفكر اكلمله والنهارده كلمته 
وانا اصلاا كنت نهيت معاه وقولتله انه حرام 
بس للاسف مقدرتش اتغلب علي اني اتعودت عليه وعليه وعلي كلامه 
كانت اول مره اكلم فيها ولد وحاسه اني بعمل مصيبة بجد 
 لو اتكلمنا كلامنا مش زي الاول اكيد عشان انا بحاول ابعد عشان حرام وف نفس الوقت مش عارفه

Tomato_21859 🇪🇬 · Answer

ايوه وكانت غلطه يعني مفيش حاجه كانت مترتب ليها. بس قولتله اني بحبه اه لكن م عاجبني علاقتنا في الحرام بعدت الف مره ورجعت تاني بس الحمد لله كانت آخر مره وقدرت اتحكم في قلبي وبعدت عنه ودلوقتي عدي سنه والحمد لله اني عقلي كان ثابت علي قراري دهه والحمد لله اني نهيتها م هنكر ان بيوحشني بس الحمد لله وافتكرتوا دايما العلاقه اللي بدايتها لا ترضي الله نهايتها لن ترضيك 🤍

Marshmallow_44959 🇯🇴 · Answer

مرات كتير كنت احكي الصراحه بس يا دوب احكي كم ساعه واحس ب تأنيب ضمير انه غلط وخوفي من ربي وثقة اهلي وغيره كنت احكي كم ساعه ويكون كلام عادي بس ما اقدر اكمل بس للصراحة فيه مرتين تعمقت بالموضوع زيادة وبالمرتين كانو بين الشهر للشهرين وما عرفت منهم غير انه مافي علاقة حب بتبلش عن بعد الا يكون فيه هدف للطرف المقابل انا كان هدفي الفضول وللاسف الشخصين الي حكيت معهم كان هدفهم اشياء انا اساسا ما كنت واعية لهاي الدرجة عليها ما كانو التنين بنفس الفترة بس كنت رح اوقع بنفس الغلط مرتين بس الحمدلله دايما كنت اتزكر خوفي من ربي وثقة اهلي الي مو لازم تضيع يعني بالاخر قصص الحب عن بعد وهاي الامور يا دوب2%بس ممكن يكون فيها مصداقية الباقي ل اهداف وسخة لانه الحب عن بعد بده حب حقيقي وقوي وصادق وقد ما يقدر الواحد يبعد عن الغلط ونصيحة ل اي بنت عم بتشوف كلامي لو كنتي بعلاقة مع اي شي بالواقع او مواقع حاولي تتخلصي من هاي العلاقة وكلشي بوقته حلو وانتبهي من اي حد بطلب صور لجس/مك او الك الانه مافي حد بحبك رح يطلب منك شغله تغضب ربنا وتكون غلط بحقك

Avocado_27497 🇪🇬 · Answer

اه للأسف بس هو اتعلق بيا جامد رغم اني ع اقتناع أن مفيش حاجة اسمها جواز عن طريق السوشيال وكنت فاكرة انه عارف كدا حاولت ابعد كتير لكنه كان متعلق بيا ف قفلت كل حاجة وغيرت رقمي والحمدلله عدي وقت كتير معرفش عنه حاجة وده حلو ليه وليا

Mango_11276 🇶🇦 · Answer

بصراحة أغلب علاقاتي أونلاين،وكلها في قمة الاحترام وناس جميلة، وعندي أصحاب كتير، وفي اللي سافرت وقابلتها وفي اللي سافرت وجاتلي والحمدلله الحاجة الوحيدة اللي بحمد ربنا عليها انه ولا مرة خذلني فاختياري لصحابي بشكل عام، بالنسبة للعلاقات، للأسف في شباب عرفتهم برضو اونلاين اغلبهم فجأة بيقلبوا الموضوع حب وغرام وأنا عمري ما كان عندي اهتمام بالموضوع ده، وفي حد منهم كان مهووس لدرجة اني اضطريت اقطع كل وسائل التواصل معاه وبقاله الموضوع ٣ سنين ولغاية النهاردة بيبعت لي ايميلات ويحاول يتواصل معايا. آخري في الموضوع ده كان من فترة بصراحة وعمري ما توقعت تحصل، بس اتعرفت على شخصية جميلة جداً ولذيذ ومحترم وبيعرف يسمع كويس، وطريقة كلامه لطيفة جداً، حسيت اني بديت اتعلق بيه وخفت، وحالياً شويه شويه بديت اسحب نفسي، عشان هوا لسه لا كون نفسه ولا حقق اللي عايز يحققه فحياته، فبصراحة سحبت نفسي ودست على قلبي وقاعدة ادعي وبس لأنه ده اللي بايدي بصراحة، ربنا يوفقه وييسر له أموره، ولو ليا نصيب فيه أكيد الدنيا حتدور وتجمعنا عامةً.

Cookies_52252 🇪🇬 · Answer

هو أنا مش بنات
بس أنا اتعرفت على ناس كتير اونلاين منهم ناس إحنا لسة أعز أصحاب وناس تانية لسة بنسأل على بعض ومش قريبين اوي وليا صديقة اتعرفت عليها اونلاين وهي كمان قابلت جوزها عن طريق Dating App.
طبعا ده مش معناه اننا نثق في اي حد بسرعة لازم ندي الموضوع وقته ونحاول لو هنقابل اي شخص لأول مرة منبقاش لوحدنا ويبقى في مكان عام إحنا إللي أنتوا إللي مختارينه.

Durian_52455 🇪🇬 · Answer

متحمس جدًا أجاوب على السؤال ده لإنه ردى عليه السبب فى إنى أكتشف نفسى اكتر.

كان فيه شركة خدمة عملاء فى إسكندرية بدون ذكر اسمها
اسمها Octopus Outsourcing، أعلنوا فى open day انهم محتاجين ناس بيعرفوا يتكلموا إنجليزى
وانا كنت عارف كويس الـInterview Process كانت ماشية ازاى.. فـ كنت بساعد الناس اللى رايحة تقدم فى التعليقات علشان أفهمهم التفاصيل، وأساعدهم، وأطمنهم
وفيه منهم اللى بيبعتلى رسايل على البرايفت علشان يسألنى أكتر عن التفاصيل.. واحدة منهم حبيتها بدون داعى لذكر اسمها..
اسمها (S***** S*****) 😁 المهم إنها بعد ما استفسرت، سألتنى بعدها عن حياتى الشخصية بشكل سطحى، ودى كانت مفاجئة لإنى مكنتش متوقع ده..رديت عليها
 وكنا وقتها الساعة 5 الفجر
السؤال جاب سؤال وعرفت انها ساكنة بالصدفة قريب من المنطقة اللى أنا ساكن فيها
 وكانت بتيجى عندنا علطول علشان الشاطئ اللى هى بتحب تروحه مع صحابها !
المهم ده شجعنى إنى أقولها نتقابل من أول يوم كلمتها فيه..

مع العلم: أنا مش بتاع خروجات ومكانى المُفضل البيت
مع العلم تانى: فكرة إنى أطلب الخروج مع بنت دى كانت أول مرة فى حياتى، ومعرفش ليه لحد دلوقتى طلبت منها كدة

عدى اليوم واتقابلنا وكنت مش أحسن حاجة بسبب إنى مش متعود أبدًا أقعد مع بنت لوحدها، وكان شعرها مكشوف ولابسه حاجات مسمحش لأهل بيتى يخرجوا بيها، علشان كدة
كانت المقابلة موترة جدًا بالنسبالى
وهى على النقيض تمامًا، كانت شخصية هادية ورزينة وبترد ردود عقلانية بدون ما احس منها بأى توتر أو خجل

عدى يوم ورا التانى وقربنا لبعض اكتر وبعدنا اكتر….
من فترة قريبة اتمسكت أنا بيها و ركزت معاها أكتر ما بركز مع نفسى.. باخد بالى من تفاصيل صغيرة وكانت بتتفاجئ لما اقولها

المهم، إنى أتعلقت بيها جدًا، لإنها كانت اول بنت فى حياتى يقرب منى بالدرجة دى، ويوم ورا يوم عمال بسرح وبتخيل حبها ليا وإنها بتحس نفس إحساسى ليها إن مكنش أكتر
وفجأة..

قبل ما اكمل، هى بنت ذكية جدًا، فجأة لقيتها فى وسط قعدة قالت جملة أثرت فيا وسط ماهى بتتكلم عن نفسها
قالت بالنص "انا عارفة إنك حبتنى"
عملت نفسى مسمعتهاش، وكملت هى كلامها عن نفسها، وفالآخر قلتلها، هو الجملة اللى إنتى قلتيها دى عرفتيها منين !
قالتلى ده طبيعى بما إننا بنخرج ومش بخبى حاجة عليك وبتكلم معاك فى أسرار محدش يعرفها غيرك

وقتها، انا أتوترت جدًا ومكنتش عارف أبلع ريقى ولا حتى إنى اتكلم،
فكرة إن شخص يكون كاشف حُبك ليه، دى كانت صدمة 😱
مع إنها قالتلى كذا مرة إن (قلبها مش شغال) بسبب تجربة قاسية من حد كان هو كل حاجة بالنسبالها وأثرت عليها نفسيًا  جدًا.. من 5 سنين

المهم إنى كنت بقنع نفسى إنى هقدر أكون مختلف فى نظرها
ودفعت تمن إقناعى من القعدة اللى انا اتصدمت فيها،
لإن وقتها أكدت على جملة "إن قلبها مش بيحس بأى حاجة ناحية أى حد"
وقتها صدمتى زادت ١٠ اضعاف، واكتشفت إنى كنت بحب واحدة لكن كان فى خياااالى أناااا وبسسسس

أتمنى كانت القراءة ممتعة ❤️ وآسف على الإطالة 🙏🏽

Avocado_12291 🇪🇬 · Answer

اه كان من كذا سنة كنت  في تالتة ثانوي وكان في جروبات عالتليجرام بيتبعت عليها ملخصات وكدة 
المهم واحدة من الجروب دة اختلفنا انا وهيا في حاجة  واحنا بنتكلم في الجروب شوية وبعتتلي مسدج برايفت
فضلت كل يوم والتاني تسألني علي حاجة وتطمن وكدة وجه فترة الامتحانات كنا بنبعت حاجات وملخصات ل بعض 
النتيجة طلعت جبت انا وهيا نفس المجموع بالكسور كمان 😂
وكل واحد دخل كلية غير التاني  
ومكناش من نفس المحافظة وبعد شوية كانت نازلة المحافظة عندنا واتقابلنا وبعدها اتقابلنا كذا مرة (كنت انا اللي بسافرلها بعد ماتخلص الكلية بتاعتها) وفضلنا عالحال دة ٣ سنين واتعلقنا ببعض وكنا ٢٤ ساعة بنتكلم جت اخر فترة بقت تعبط ف لبسها ولسانها اتبر منها وانا اقولها يابنتي كدة حرام ومينفعش تبطل شوية اللي بتعملو دة وترجع تاني وفضلت وراها لحد مابطلت وعقلت وقالتلي احنا علاقتنا ببعض كدة حرام وانا مضطرة ابعد وبتاع بعدها ب اسبوع اتقري فاتحتها علي واحد من البلد عندهم وبقا عندها فيروز دلوقتي ما شاء الله 🤡😂
اتمسحت ف نزلتها تاني *