عمرك حسيت ان مشاعرك خلصت؟

Question

عمرك قبل كدا حسيت ان مشاعرك خلصت وبقيت انسان بارد من غير ردود فعل وعايز تنعزل وخلاص ولو عديت منها احكي تجربتك والحل الي نفع معاك

Coffee_52367 🇪🇬 · Answer

🙃دا شعوري أو بقى أمر واقع حاليا مع كل الناس انا تعبت لا فعلا تعبت و مبقتش قادرة مش قادره تاني خلاص تعبت يكفى تلي انا فيه و بحاول أخرج منه فعلا تعبت الواحد مبقاش عارف يعمل إيه ألم إيه ولا إيه بجد كفايا عليا صدمات.. 💔 كفايا عليا مشاكل مش عارفه بس.... حصل خير.💔😕
الشعور دا بقى أمر واقع كل حاجه بقت أمر واقع بس انا معانديش طاقه لأنها بتتهدر نصها فيا.. 💔 في قلقي دا 💔 الحمد لله 💔

Mushroom_34758 🇸🇦 · Answer

السلام عليكم ( سوداني بس عايش ف السعودية)
كنت بكرش على بنت من 2019 و خليتها ف سنة 2022 عشان إكتشفت إن هي بتكرهني ، بتكرهني عشان أنا مكرش عليها ، من وقتها م حصل شفت بنت كدة وأعجبت بيها ، او شفت بنت وقعدت أقول يخ دي بنت سمحة وياريت لو أنا صاحبها وكدة م حصل ، بقيت عايش ف دوامات إكتئاب ، كل شهر بكون مكتئب من 3-7 أيام لحدي  الليلة الشعور دة معاي ردت فعلي على الحاجات بقت أقل ب كتيييير من قبل 2022 ، كنت إنسان اجتماعي شديد وتقريبا نص المدينة بتعرفني مع العلم وقتها كنت 14 سنة ، إتحولت لإنسان إنطوائي و صار عندي رهاب إجتماعي ولحد اليوم عندي رهاب إجتماعي ، انا وصلت مرحلة إني بدعي ربنا عشان يحولني ل إنسان إجتماعي مرة تانية عشان انا وصلت مرحلة بقيت حرفيا بخاف إني أكون قاعد مع ناس كتيرة بخاف منهم💔 حياتي إتحولت من حياة جميلة ( قبل عام 2022) لحياة رمادية و كئيبة( بعد عام 2022)

Durian_52455 🇪🇬 · Answer

مشاعرى فعلًا خلصت! 
فيه برود مش طبيعى تجاه الدنيا عامةً
بقيت بحس إن الإحساس نفسه خسارة مش مكسب خصوصًا للإنسان العاطفى
البرود والغباء بيديلك ميزة رهيبة فى إنك تشوف الأسود على إنه أسود.. ومتنخدعششششش

Strawberry_25987 🇪🇬 · Answer

مش خلصت بس حسيت اني مش قادرة خلاص مش قادرة أعافر الفترة دي مش حاسه ب حاجة ولا وحشة ولا حلوة مش عارفه أتبسط بتخرجي بعد سنين معافرة عشان ابقي دكتورة وبعد تعب كتير مش حاسه ب حاجة غير اني بنهار ومش قادرة اقدم اي حاجة لحد أبدا ولا حتي نفسي ودا أصعب جزء مشاعري ناحية نفسي خلصت مبقتش عارفه احب نفسي حتي 💔

Cookies_35975 🇸🇦 · Answer

أنا الايام دي حاسه اني فاضيه اوي معنديش مشاعر و عندي برود مش طبيعي من بعد ما كنت واحده بتاخد كل حاجه على أعصابها لوحده بقى عندها تبلد حرفيا و لا حتى بقى في طاقه أدي لحد مشاعر ولا طاقه اتكلم و اطلع الي جوايا كل حاجه حواليا بتتشقلب و أنا قاعده مكاني في منتهى البرود

Avocado_44816 🇯🇴 · Answer

يتم يتم المرور فيهاااااا ، حتى لو حاولت أظهر مشاعر أو حتى تفاعل مع الناس بحسني بنافق نفسي لاني اساسا من جوا ما في اشييي فاضي .... ممكن اقعد معاك وافتح مواضيع عادي واظهرلك طيبتي وشخصيتي الطبيعية بس هو من جوا it's like i can't catch any feeling for you 🫠🫠🫠

Apple_52997 🇪🇬 · Answer

اه حسيت اخر مرة وللاسف ندمت ان مشاعري خلصت متاخر كنت اتمني تخلص من اول سنة لان العلاقه استنزفتني جداا علي مدار ٥ سنين والخمس سنين دول خدو مني كمية هلك مش طبيعية اتنزلت عن حاجات كتيرة اوووي كانت حقي عيشت ايام سودة وبقيت دايما اراضي واطبط واتحمل وعمري ما اترضيت ولو مرة وحدة غير بقي كمية الاهانات في التعامل والحمدلله ارتحت كتيييير اوي لما العلاقه اتقفلت معدش عليها كتير بس مرتاحة اوووي يمكن مفيش احساس بيجيلي وحش او تفكير غير في اني دايما بلوم نفسي اني اتحملت كل دة ولية الموضوع دة متقفلش من زمان ولية جت علي نفسي طول الفترة دي واتحملت فوق طاقتي للدرجادي  وحقيقي ندمانة جدا علي الوقت دة

Potato_55734 🇪🇬 · Answer

انا مش مشاعري بس ال خلصت ، انا طاقتي كمان خلصت ، مفيش طاقه لحاجه خالص ، مش قادره اتكلم حتى ، لو حد اتخانق معايا بسكت او بقول انت صح ، من كتر ما انا مبقاش عندي طاقه خسرت ناس كتير كانوا كويسين بس انا ال مش كويسة ، و بقت دايرة الناس ال حوليا معدودة و دول حاسه اني هخسرهم قريب بردو لان محدش بستحمل شخص زيي ، حاولت اتعامل مع الناس و اكون صدقات جديده مقدرتش استحمل البشر مع ان محدش عمل فيا حاجه ، انا كمان سني كبير (29) و مش قادره اتقبل ان حد يدخل حياتي او ارتبط او اتجوز زي باقي الناس ، حاسه طول الوقت محدش له ذنب يتعامل معايا رفضت كل الناس ال بيحبني و ال اتشديت له و اول ما حسيت اني ممكن احبه بعدت و حتى الصالونات رفضتهم كلهم ، و بقيت كل ما حد يقولي في عريس برفض اقابله اصلا مش لعيب فيهم و الله ، انا مليش اني احكم على حد ، بس حقيقي مش قادره اتقبل اي شخص يدخل حياتي بيصعب عليا اي حد عايز يدخل حياتي ، بحس انهم يستاهلوا الاحسن مني و لما بسمع ان حد منهم اتجوز او خطب بفرحلهم كأنهم حد من عيلتي و الله ، حاولت اغير حاجات فيا و حاولت ازق نفسي على الحياه بس كله بلا جدوى ، حبيت الوحده و بقت اكتر حاجه بتريحني ، حتى التجمعات العائليه ال بالمناسبه بتبقى حلوة و قعده لذيذه و مفيش فيها حقد او غل او حد مش طايق حد بالعكس عيلتي ناس كويسين ، بس التجمعات اللذيذه دي بقيت اهرب منها و لما تخلص اقول يارب ما تتكرر ، نزلت جيم ك نوع من انواع اني بعمل حاجه في حياتي و ممكن لما اتعامل و اتمرن اتغير ، رغم حبي للرياضه جدا ، الا اني مبقاش عندي طاقه اني انزل ، و مقدرتش انزل في الاوقات ال فيها ناس كتير ، كنت بنزل اول ما الجيم يفتح علشان يبقى ال موجودين قله و التعامل يبقى على القد ، رغم حبي بردو لحاجات البناادت ميكب و سكين كير و لبس و كده ، انا مبقاش ليا نفس اشتري حاجه ليا اطلاقا انا مش فاكره اخر حاجه جبتها لنفسي كانت ايه و امتى مش عارفه يمكن من ٣ او ٤ سنين مثلا ، مش عارفه انا بهرب من البشر و لا بهرب من نفسي ، عموما انا مبقتش عارفه حاجه