اتعرضتي للتحرش قبل كدا؟ وعملتي ايه وقتها؟

Question

احكيلنا عن تجربتك مع التحرش وايه رد فعلك وقتها.

Watermelon_54658 🇪🇬 · Answer

اتعرضت للتحرش فسن صغير جدا جدا من شخص معرفوش بس فاكره كل التفاصيل كانّها امبارح وهي من ٢٥ سنه مثلا كنت صغيره وماما كانت بتعاني اجيب قزازه زيت ونزلت قدام البيت وكنت محتاره اجيب من السوبر ماركت اللي امشيلو من اليمين ولا التاني اللي في الشمال والشارع كان هادي جدا وقف قدامي راحل فجاه ونزل من ع عجلتو واتحرش بيا أنا فاكره وقتها ان كنت فاهمه اللي حصل معايا وكنت خايفه جدا جدا وكنت بهرب وادخل اوضتي كتير وانام وأفكر فاللي حصلي وانا مرعوبه ومعرفتش احكي لماما ولا لأي حد ولحد دلوقتي بحس بعتاب جوايا ع امي انها مخدتش بالها مني ولا اخدت بالها أنا كنت متغيره ومنعزله قد اي وكان وقتها في قصه منتشره ع التلفزيون لطفله حملت وكنت فاكره اني هيحصلي زيها كت مرعوبه بجد وعندي احساس بالعار لدلوقتي

Croissant_18921 🇪🇬 · Answer

اتعرضت ونا فى ٦ ابتدائى واحد كان بيصلح جزم كان محله جمب محل بياع الخضار ماما كانت بعتانى اجيب لها حاجه من عند بتاع الخضار لقيت بتاع الجزم نده عليا وخلانى اقعد معاه و كان بيعمل كدا كتير قبلها يقعدنى يخلينى اتكلم معاه و يدينى بونبونى من غير ما يعمل حاجه لحد ما اخر مره كنت قاعده لقيته قعد يتكلم فى كلام أن بنات بتجيله تستنجت بيه مش عارفه اي قد كدا و جسمهم قد كدا و لقيته فجأة حط ايده على جسمى ونا معرفتش اعمل اي معرفتش ابعد معرفش ازعق و لا اتكلم كنت صنم حرفيا لحد ما سابنى امشى من بعدها بقيت اخاف اعدى من جمب محله لينده عليا تانى كنت بخاف اول ما اشوفه مشكلتى ان مكنتش عارفه الى عمله دا اي مكنتش فاهمه ان دا تحرش ولحد دلوقتى لما بشوفه ببقى نفسى اروح اق.تله بإيدى

French Fries_55129 🇪🇬 · Answer

اتعرضت وانا صغيره للتحرش المشكله فضلت سنين انكر ده لنفسي لحد وقت قريب خالص اعترفت 
اتعرضت من ابن خالي و ابن عمي و ولد من بلدنا المشكله انا مكنتش اعرف ان ده تحرش بس كنت مضايقه لما كبرت فهمت هما كمان مكنوش كبار انا مش بكرهم و ده مضايقني من نفسي

Cookies_55558 🇪🇬 · Answer

ممكن يكون الاسك مش ليا بس حبيت احكيها عشان ارتاح شويه اتعرضت للتحرش من ابن خالي هو فيه نفس سني كان عندي 8 سنين او 9 كنا احنا ساكنين في كمبوند زي مدينتي كدة وخالي كان ساكن  فيه بيت بسيط في منطقه عشوائيه كنا بنروح وبلعب مع ابن خالي عادي لعب اطفال بسيط لحد ما في يوم  طلعنا نلعب ع السطح كالمعتاد وقالي فيه لعبه جديده انك بتقلع بنطلونك وهو كمان وبنكشف ع بعض زي الدكتور كدة رفضت ف الاول بس قاعد يزن عليا وانا خفت حد يشوفني كدة او ماما تطلع قالي متخفش بالفعل قلعني البنطلون واستمر بقا ف الباقي اللي هو غالباً معروف للكل ومن ساعتها وانا خايف ومبحبش اصاحب ولاد اغلب اللي اعرفهم بنات ومرضيتش اروح هناك تاني عند خالي بس انا مش مسامحوا ولا مسامح اهلي انهم سابوني ومطمنوش عليا

Avocado_57183 🇪🇬 · Answer

لا بقى انا ابن خالتي كان بيغتصبني وللاسف انا ما كنتش اعرف لاني كنت باين ست او خمس سنين وهو كان كبير يعني اولى تانيه اعدادي حاجه زي كده ومكنتش فاهمه يعني ايه ده مكنتش اعرف هو كان بيقول ان احنا بنلعب وكبرت وفهمت شويه ففهمت ده كان ايه وهو كان كل يوم كان بيجيلنا فدلوقتي انا بقيت ابصله بنظره زفت وبطلت اكلمه خالص مع ان علاقتنا قبل كده كانت حلوه بس محبتش ان يكون في ما بيني وما بينه كلام تاني

Banana_57181 🇪🇬 · Answer

مره كنت عند واحد قريبنا من بعيد في المكتبه بتاعتهم بصور ورق كنت تقريبا خامسه او ساته ابتدائي و عشان حالتنا الماديه ماكنتش احسن حاجه فكان قميص المدرسه مقطوع و ماما قافلاه ليا بدبوس فكه وانا اتصنمت كنت حاسه وعارفه انه حاجه غلط بس كنت صنم حرفيا مانستش
مره تانيه حصل حاجه مشابهه مع الراجل بتاع الفول والطعميه ( للعلم ابنه اكبر مني اصلا)
ومره كمان كنت في اعدادي وجوم اولاد تقريبا ابتدائي ماعرفش حد قالهم يعملو كده ولا ايه وساعتها برضو وقفت في الشارع زي الصنم لدرجة حد كان معدي قالي طيب حتي اشتميهم بصتله وماعرفتش ارد
عمري مانسيت الحاجات دي
وعمري مانسيت ان ماكنش ليا رد فعل
احساس بالعجز والضعف فظيع

Coffee_56037 🇪🇬 · Answer

كان وانا صغير في حوالي 3 او 4 ابتدائي مش قادر افتكر اوي ويمكن دا بوظ حياتي خالص لانه اتسبب في حجات كتير اوي اوي اتغيرت للأوحش ويمكن الحادث ده لو مكانش حصل مكنتش هبقى في اللي انا فيه دلوقتي كمان.
مقدرتش اعمل حاجة ولا عرفت اقاوم كنت طفل يعتبر مش فاهم حاجة ولا عارف اتعامل اصلا
وحصلت احداث صعبة من ناس أصعب بعدها ربنا ما يوريها لحد ابدا.

Chocolate_57399 🇪🇬 · Answer

مش عارفة ده يبقى تحرش و الا لا بس الموضوع كنت ناسياه بقالي فترة كبيرة جدا و مش فاكرة بردو وقتها كان عندي كام سنة بس يمكن كنت في أولى ابتدائي و الا مكنتش لسه دخلت المدرسة مش فاكرة بس فاكرة اني كنت بلعب مع بنت عمتي و هي اكبر مني بكتير يمكن بعشر سنين و الا حاجه يعني كانت فاهمه و واعيه عني كنا بنطلع نلعب على السطح بتاعنا و فوق السطح كان فيه اوضتين كده اخدتني جوا اوضة منهم مرة و أن احنا هنلعب لعبه و انا المريضة و هي الدكتورة و نيميتني على حاجه كده و جابت حديدة صغيرة و بدأت تدخلها جوا الاندر أنا بجد مش عارفة أنا سكت ليه و ازاي و مش فاكرة ايه كان رد فعلي وقتها مش فاكرة أنا ليه ما اتكلمتش أو ليه معترضتش مش فاكرة اي حاجه كل الي فاكراه اان بعدها اختها طلعت علينا فجأة و هي لبستني هدومي بسرعه و فضلت الحديدة دي جوا لفترة أنا أول مرة في حياتي احكي الي حصل ده و لحد النهاردة انا مبقدرش اقرب من بنت عمتي دي طبيعي ، على الرغم اني كنت نسيت و كنت بتعامل معاها طبيعي ، بعدها بفترة سافرنا مع امي و اخواتي و رجع الموضوع تتكرر مع اخويا الكبير 
كل الي أنا عايزة اعرفه هو طبيعي اكون كويسة بعد كل ده ؟

Lemon_57795 🇪🇬 · Answer

كان تحرش كلامي بس ردت فعل اهلي الغير مهتمه ل اني كنت طفله هي الي زعلت انا اكره اليوم ده كويس كان آخر يوم رمضان قبل العيد رحت اجيب توك لشعري مع بنت عمي واصحابنا وكان هو شاب تقريبا في ثانوي بس الموضوع ازعجني تقريبا انا اوفر اوي بس الموضوع لسا في دماغي ومش راضي يطلع (اهلي مش وحشين هم بس مشغولين وكدا ولا كدا مكانوش هيلاقي الواد)

Marshmallow_57860 🇪🇬 · Answer

حاولت اكبر دماغي واقول الي حصل حصل بس بدل ما اقول كده كنت بشيل نفسي الذنب واقول انا ليه معملتش كذا كذا انا ليه مبعدتش انا ليه وليه! بس ارجع واقول انا كان بإيدي ايه اعمله وانا ساعتها كان سني ما بين ٨ل١٠ سنين كنت طفله ومع ذلك اتعرضت للتحرش بس مش من ولد من بنت وهي بنت خالتي انا ساعتها مكنتش فاهمه ايه الي بيحصل ومكنش ليا رد فعل هي حاسستني أنه ده شيئ عادي وعادي الي هي بتعمله بس في نفس الوقت كنت خايفه ومش عارفه اعمل ايه ولحد دلوقتي عمري ما قلت لحد عشان محدش هيصدق ..كانت بتلبسني قمصان نوم امها الي هي خالتي كانت بتاخدني من بيت ستي وتوديني شقتهم وتفرجني على حاجات مش كويسه وانا مش فاهمه ايه ده بس مكنتش عارفه اقولها لا على حاجه خصوصا أن الفتره دي وضع امي وابويا مكنش كويس كان في مشاكل دايما خناق على طول كانوا بيتعصبوا عليا انا شخصيا لما ميلاقوش حد يفشوا غلهم فيه ،دلوقتي انا مش كويسه خالص مخنوقه دايما بسبب الكتمان واني كاتمه لحد دلوقتي وخايفه اقول لحد لان محدش هيصدقني  للعلم هي مكنتش صغيره هي كانت واعيه كفايه وعارفه هي بتعمل ايه كويس هي اكبر مني ب٣سنين تقريبا ودلوقتي مش عارفه اللوم نفسي اني مبعدتهاش عني من الاول ولا ألومها هي أنها عملت كده فيا .

Cherry_56217 🇪🇬 · Answer

كنت 8 سنين وكنت مسافرة محافظة تانيه مع اهلي والدتي واخواتي بس ولاني البنت الكبيرة فقعدت فكرسي لوحدي جمب ناس غريبه ووالدتي واخواتي مع بعض فكنبة 
كان قاعد جمبي شابين واللي جمبي فضل يتكلم معايا ويهزر لغاية ما لقيت ايده على رجلي من فوق وبيدخل صوابعه تحت هدومي الداخليه وفضل يحسس عليا انا وقتها مكنتش فاهمه بيعمل ايه 
بس حسبي الله ونعم الوكيل فيه عموما بتمناله يتعذب فحياته

Mango_57383 🇪🇬 · Answer

للاسف ايوه وانا صغيره ومن ناس كبيره ف السن وكتير جدا لدرجه اني دلوقتي دايما بقول لنفسي ان كانت المشكله فيا او ف شكلي برغم اني عارفه اني مليش ذنب بس عقلي دايما مصر ان يطلعني غلطانه واتمني بجد اجي ف يوم واقدر انسي

Kiwi_58499 🇪🇬 · Answer

كنت طفله ومكنتش فاهمه كنت فى ابتدائى بس لما كبرت وفهمت وافتكرت الراجل ده قعدت اقول يارب هاتلى حقى منه دنيا واخره ومتسامحهوش ..
بعدها بفتره عرفت أنه مات فى حادثة قطر مش عارفه اسامحه  لحد الوقتى

Biscuit_58831 🇪🇬 · Answer

للاسف اه و المشكله الاولي انهم قرايبي وواحد منهم كان جاري في نفس سني ومكنتش فاهم حاجه  و المشكله التانيه ان انا ولد فضلت فتره مش فاهم عشان كنت صغير بس لما كبرت فهمت مكبرتش اوي بس علي الاقل بقي عندي والوعي الكافي ان انا اعرف افرق بين الناس بجد احنا في مجتمع مريض بشكل مبالغ فيه وللأسف دي الحقيقه اللي بنحاول نتجاهلها

Pineapple_59831 🇪🇬 · Answer

دكتور اسنان حقير كنت بعمل عملية ازالة ضرس العقل و متعقمة و مينفعش اتحرك وهو بيعمل العملية كان بيتعمد يتحرش بيا و انا وقتها حسيت بغضب شديد ورفض وحاولت اتحرك كان يقولي متتحركيش عشان التعقيم و حرفيا ماسك مشرط و انا في العملية نفسها و لما خلصت العملية كنت كل يوم بتمنى اروح اقول ان هو متحرش او اكتبها على البالطو بتاعه بدون ما يحس في المستشفى او اخد حقي باي طريقة وللاسف دا محصلش 
... شخص من المقربين عشان يخوف ماما ان هي تسمع كلامه حط ايديه على ضهري بطريقة مزعجة جدا بس الحمدلله هي حلت الموضوع بس انا بتضايق و بخاف كل ما بفتكر دا وعشت فترة خوف كبيرة اوي وقتها ...وانا بسوق عجلة وانا ساتة ابتدائي طفل بردو بس حقير من اللي مش متربيين عمل حركة وحشة قعدت كتير متضايقة

Peanut_59861 🇪🇬 · Answer

من حد من العيلة يبقى ابن ابن عمتى هو اكبر مني ب سنتين كنت وقتها ف ابتدائي لسه تقريبا خامسه  ومكنتش فاهمه حاجه بس كنت واثقة فيه وبعتبره اخويا و مكنتش خايفة منه بس مش فاهمه هو بيعمل ايه او هيستفاد ايه ( كان بيخلعني بنطلوني و هو خلع بنطلونه) هو محصلش حاجه فعليا الحمد لله اكتر من كده غير قالي انه بيحبني جدا بس الحمد لله  حد من العيلة جه و اضطرينا نمشي بسرعه بس لحد دلوقتي انا مش قادره انسى الموقف ومش عارفه هو فاكر ولا لا بس انا متعاملتش معاه بعد الموقف ده تاني لحد دلوقتي وحاسه اني مش هقدر اتعامل معاه طبيعي و ف نفس الوقت هو كان سنه صغير مش عارفة ازاي يفكر ف حاجه زي دي بالسن ده!!