الحب من طرف واحد

Question

اتعاملتم معاه ازاي 
وازاي نتعافي منه 
و ازاي نبطل نحب من طرف واحد

Apple_27176 🇪🇬 · Answer

بحب واحده من طرف واحد بحبها اوي بجد عمري ما حسيت يعني ايه حب لما شوفتها بس مش حينفع اقولها علشان خايف اخسرها بس هي حيست اني بحبها بس هي بعدت شويه و رجعت تاني ك صحاب بس للاسف مش عارف ابعد عنها و لا عارف اعمل اي حاجه 
شكلي حمشي الدنيا علشان لو قولتلها حخسرها
بس انا موجوع اوي مش عارف اركز في شغلي و في حياتي و بقيت عصبي اكتر

Cherry_27435 🇪🇬 · Answer

انا عادي حبيت واحد و هو حبني بس هو كان واخدني بطريقة غير جدية نهائي ولا لجواز ولا لخطوبة ولا اي حاجة و كان بيقولي كلام حلو كتير بس احنا ايييية؟ صحاب و في الاخر هو محبنيش و انا اللي فضلت احبو اتعلقت بية ٤ سنين و كنت بكلمو على فترات متقطعة و اخر مكالمة بينا هي اللي بينتلي قد اية انو بارد و مش فارق معاه بدات اتعرف على ناس جديدة كنت بتكلم علية مع صحابي بس كنا بنقعد نتريق علية و كنت بطلع فية كل الصفات الوحشة و اتعرفت على ناس احسن منو ميت مرة و انا دلوقتي عايشة حياتي و مبسوطة و اكتشفت ان مفيش حد بيموت من فراق شخص

French Fries_26975 🇪🇬 · Answer

انا بحب واحد و مش عارفة بيحبني ولا لا بس انا و هو كنا بنتكلم كتير بس جت فترة قل الكلام و بيقول عشان شغل و معرفش عنه بصراحة اذا كان فب واحده في حياته ولا لا بس مش عايزاه يضيع مني عايزة اقوله اني بحبه عشان ميضعش مني و يروح لواحده غيري و في نفس الوقت مينفعش اقول عشان مفيش بنت تقول بس خايفة يحب واحده تانية.

Orange_27529 🇪🇬 · Answer

بصو انا حبيت واحد من طرف واحد وفضلت كتير بحبو وبغير عليه بس معترفتلوش بس رحت اعترفتلو وقالي بطلي هبل انتي زي اختي وكده يعني ومن وقتها كل ما يتعامل معايا يقول اختي جت اختي رراحت وانا اقول. اخويا المهم بعدها قررت أنساه وفضلت سنه سنه كامله عما قدرت انسي وبعدها أدركت انو كان مليان عيوب وحبي ليه خلاني مشفش عيوبو وبحمد ربنا أني مرتبط بيه المهم يعني تخطيت وارتبط بواحد تاني وحبيتو جدا والحمد لله اتخزوقت اكبر خازوق ف حياتي وده يعلمنا أن الارتباط حرام

Avocado_27613 🇪🇬 · Answer

لما اعترفت رفض يبادلنى وقالى ان انسي الموضوع خالص وعدى وقت ولما سألته ليه قال كدا قالى انه شخصية صعبة وانه فعلا كان يتمنى يكمل حياته مع حد بشخصيتى بس دا صعب عليه حاليا وبعدها اتعاملنا عادى بس ساعات بحسه بيغير عليا وساعات بحسه بيتجاهلنى واحيانا اخرى بيحاول يخلينى اغير عليه فهل لسا بيحبنى ومحبش يعترف ؟

Broccoli_27679 🇪🇬 · Answer

حبيت واحدة زميلتي بدون ارتباط من سنتين وبعد فترة عرفت ان الشعور متبادل برضه بدون ارتباط حاولت اخطبها بس اهلي رفضوا لظروف اسرية عندي وقررت مخسرش اهلي وانسحبت بعد فترة قليلة اتخطبت غصب عنها بضغط اهلها وفركشت علشان معادتش متقبلة حد خالص، حاولت اخطبها تاني اهلي رفضوا لنفس الظروف اخدت وقت طويل علشان اتخطي ومشوفتهاش تاني من سنتين علشانا سبت الشغل خالص انا، حاولت ارتبط وفشلت كذا مرة، فجأة من كام يوم والدها اتوفي كلموني زمايل الشغل القديم رايحين العزا مقدرتش اروح طبعا بس دماغي بتودي وتجيب هو انا كنت صح ولا غلط لما اخترت أهلي؟ - للعلم ظروف خارجة عن اهلي وانا عارف كده- طيب دلوقتي ممكن افتح الموضوع تاني مع اهلي ولا لأ؟ مشكلتي الاكبر انا مش عارف هل انا مازلت حاببها ولا تخطيت وهي اصبحت قصة محزنة في حياتي مش عارف انا عايز ايه وشايف نفسي شخص ندل ومهزأ علشان بفكر كده بس الحقيقة مش عارف انا ايه ولا عايز ايه
نفسي حد ينصحني حتي افكر ازاي او افكر في ايه

Apple_27889 🇪🇬 · Answer

انا بحب واحدة معايا في الشغل و بحب اشوفها و اشوفها مبسوطة علي طول وهي بتعتبرني غير اي حد بهتم بيها وهي اوقات بتدوخ و انا بهتم بيها و بعرف افوقها وبجد يومي كلو بقا عبارة عنها وفي مره قولتلها انا معجب بيها مع و هي قالتلي انها لولا الشخص الي في حياتها الي مرتبطة بي كان زمانها معايا بس مش قادر انساها و لا اغير طريقتي معاها و حطينا قواعد نمشي عليها في الكلام والطريقة وانا مش عارف التزم بيها و ببقا عايز اقرب ليها اكتر وهي بتقولي لولا انك جمبي انا كان زماني سبت الشغل م زمان مش عارف اعمل اي

Mushroom_28333 🇪🇬 · Answer

اتخطيت لما خدت قلم (مجازاً) فوقني و استوعبت انها كانت عارفة بمشاعري و بتستغل اهتمامي بس مش اكتر قعدت فترة بنكر و فترة شايف الدنيا سودة لحد ما استوعبت انها مكانتش تستحق المشاعر دي لانها مقدرتهاش حتى

Kiwi_27962 🇪🇬 · Answer

بقولكو ي اخواتي الولد اللي انا بحبه هو قدي بس م يشوفه الاكل فين وفين ودلوقتي لازم نروح المدرسه وطلع م في فصلي المهم هو الأمين بتاع المدرسه فطبعا المدرسين بيفضلوا ينادوا عليه كتير وكده انا عايزه خطه تخليني ابقي مع المدرسين اللي بينادوا عليه دول بحيث أن كده هيبقي في فرص اني اشوفه كتير

Mango_31189 🇪🇬 · Answer

متعافتش لسا
بحبها من 5 سنين 
مكلمتهاش ولا مرة ( لانها ملتزمة اللهم بارك)
و انا وقعت
لما حسيت انها بعيدة عن مقدرتي و اني مبقتش احبها
وقعت و ارتبطت مرتين 
ف كل مرة كنت ببقى بضحك من برا مع البنت 
بس من جوايا حاسس بالذنب و الزعل
و ببقي نفسي تكون هي مش دي ولا دي
شوفتها ف يوم بعد فركشت اول مرة
و ساعتها عرفت اني لسا بحبها هي و عايزها هي
بس ابوها للاسف هيكون عائق ف المستقبل( ارائه في موضوع معين كدا غير مقبولة ليا و لا لعيلتي ابدا)
ف حسيت بتوهان تاني
و لقيتني ارتبطت تاني و انا مش عايز 
كان لمجرد اني عايز اشغل وقتي مع حد
و فركشت مع دي 4 مرات و اخر مرة مفيهاش رجوع
( هي اللي كانت بترجع كل مرة و انا بفركش)

Banana_32872 🇵🇸 · Answer

بحبها و صارلي اكثر من ٣ اشهر ما لمحتها حتى لانها ساكنة في منطقة غير منطقتي و لما عترفتلها بلكتني و مش قادر اشيلها من بالي و انا مراقب كل حساباتها بس هي غير نشطة عليهن لفترات طويلة حتى صرت مرات احلم فيها و مش عارف كيف ابطل افكر