قادر تكمل حياتك بعد وفاة شخص قريب منك

Question

احكي تجربتك بعد وفاة حد عزيز عليك وازاي قدرات تكمل حياتك

Potato_55495 🇪🇬 · Answer

من يوم وفاة اخويا الصغير اللي الفري بيني و بينه سنتين و انا حاسس ان في حاجة اتاخدت مني ان في مكان جوايا بقي فاضي حاسس اني تايه و مش عارف اكمل حياتي و ان الدنيا كان اخرها يوم وفاته ربنا يرحمه و يسامحه اترحموا عليه فضلا و ليس امرا ❤️

Apple_56859 🇪🇬 · Answer

صعب جدا خصوصا لو قريب منك انا فى اقل من ٣ سنين اتوفى اتنين من أهلى وبقيت وحيدة اوى من غيرهم  ومش عارفة اعمل ايه جربت احاول اتجوز الكل فاكر علشان لوحدى ارضى بأى شخص ليه الناس بقت كدة الحمد لله قربت فى الفترة دى من ربنا

Croissant_56757 🇪🇬 · Answer

حاسس اني بعد ما فقدت شخص قريب مني و اتوفي أن الدنيا دي صغيره اوي اوي اوي ، لا مش قادر اكمل حياتي ، عدي علي وفاه الشخص دا سنه و لسا بعيط كل ما افتكره لاني كنت بحبه اوي و كان نفسي يفضل معايا عشان هوا طيب و حنين اوي وربنا يشهد اني لو لفيت الدنيا كلها عمري ما الاقي ف حنيته دي ابدا 
ربنا يرحمك ينور عيني  💗

Croissant_56695 🇪🇬 · Answer

والدى اتوفى فى ٢٠١٤قعدت حوالى سنه قافله على نفسى مش مستوعبه الفكرة و كنت يوميا بنام واحلم ان كل دا حلم وهصحى الاقى بابا موجود عادى ..مكونتش متخيله ان ممكن افقد حد قريب منى اووى كده و فى لحظه ميكونش موجود.. بس يمكن وفاته علمنى ازاى استغنى وان ربنا بما يبعد عنى حد قلبى متعلق بيه مزعلش و متوجعش .. اصل مهما هيجى مش هيجى اهم من بابا الله يرحمه.. كنت بشوفه كل فترة فى الحلم و حبيبى مكنش بيجيلى الا لو انا فى خطر او بعمل حاجه غلط كان يتخانق معايا فى الحلم اعرف ان فى حاجه غلط بتحصل او هتحصل .. ربنا يرحمك يا حبيبى و يجعل مثواك الجنه و جميع اموات المسلمين يارب 😞

Coffee_56037 🇪🇬 · Answer

بعد وفاة جدتي والدة امي الله يرحمها حاسس كأن حرفيا انا بشوف العالم بلون غير اللون وان الزمن قبلها غير الزمن بعدها مهما فات السنين انا مش هنا وكأن في حتة مني راحت.
مكنتش بحس بكلام اي حد بيقول كدا قدامي الا لما جربت ده.

Ice Cream_57232 🇪🇬 · Answer

صاحبي الله يرحمه مات فجاه في رمضان كنا في الامتحان الشهري في المدرسه قاعدين جمب بعض وطالعين اشترينا ملابس لينا وهوا اقسم بالله قايلي فوت عليا بليل نروح نشوف الماتش على الكافتيريا مات بحادث موتوسيكل العصر واتدفن العشا 
كنا المفروض نتفرج على الماتش هوا مات وداخل المقابر محمول الله يرحمه يارب ومن بعدها انتظمت في صلاتي وقربت من ربنا حاولت احط نفسي مكانه بس مش قادر انساك يا حبيبي

Tofu_57350 🇪🇬 · Answer

الحياه صعبه اووووي بدون اب وام بدون امان وحنيه وحد يحميك من الدنيا والناس بتمشي الدنيا بس والقلب مكسور كانك واقف وسط اوضه ضلمه لوحدك مش عارف تلاقيه حيطه تسند عليها واقف ف النص مش عارف تشوف حاجه الدنيا وحشه اوي وصعبه وقاسيه ع اي حد بيحس

Potato_57807 🇪🇬 · Answer

ممكن كلامي يبان غريب شوية لكنه حقيقي
لما ماما ماتت الله يرحمها أنا كنت منهارة من كتر العياط ومكنتش قادرة أستوعب إنها خلاص راحت مني
بس الحالة دي مش دامت معايا كتير وأنا وقتها كنت لسه عندي ١١ سنة
بس مدخلتش في اكتئاب ولا حزن ولا كنت بفتكرها غير كل فين وفين
مكنش بييجي علي بالي حتي أروح أزورها
حاسه إن غيابها مش مأثر فيا ولا دخلني حالة صدمة زي ما بسمع عن اللي بيفقدوا أهاليهم
وبعدين عرفت
من صغري وهي غريبة عني
مكنتش بتشوفني، مكنتش مهتمة بيا بالذات أنا دونا عن إخواتي كلهم
كنت بحاول أخليها ترضي عني دايما وكنت متعلقة بيها أوي من صغري لأني شبهها
بس هي لا
علطول بتتجاهلني ومش بتسمع حاجه من اللي بحكيهالها، مكنتش بحس بحبها ليا
مكنتش بحس إنها شايفاني
ساعتها عرفت أنا عيطت يوم ما ماتت عشان أنا اللي كنت بحبها
مش عشان هي كانت أم ليا..

Avocado_57878 🇪🇬 · Answer

كل اللي بحبهم تقريبا ماتوا قدام عيني الوجع الاكبر ان مش عارف اعيط لغايه الان كل شخص بيتوفي بحس اني حتي مش قادره اعيط مش عارفه دا صبر ولا برود ولا صدمه بس كل اللي اعرفه ان مت الناس اللي بنحبهم بيسيب فراغ ووجع 
لايوصف

Coffee_58158 🇪🇬 · Answer

لا خالص كل حاجه اتغيرت كل حاجه حرفيا 
بعد ما بابا توفي الله يرحمه من4 سنين ، لسه مش قادره اتخطي وعلطول بفكر فيه وادعيلو وافتكر كلامه ، كل الي حواليا من عيلته اتغيروا وكله. بان علي حقيقته ، البيت اتغير بقا هادي وكله مشاكل ، كلنا مش عارفين نكون زي الاول ، كان نفسي يشوفني وانا داخله الكليه

Toast_58759 🇪🇬 · Answer

صحبتى اتوفت قريب وفعلا كانت صدمة كبيرة لان كانت اخر حاجة اتوقعها كنت مسافرة وقتها ومش عارفة اتواصل مع حد ولا اعرف الكلام دا صح ولا غلط واول ما النهار طلع رجعت وصلت بالظبط على الصلاة عليها انا طول الوقت اللى قبل دا مكنتش مصدقة اول ما سمعت اسمها وهما بيقولوا ادعولها بعد الصلاة انا انهارت لحد الوقتى مش قادرة اتقبل ان هى ماتت ولحد الوقتى مش قادرة اقف قدام قبرها انا عارفة ان هى مكنتش حد وحش وبإذن الله ف الجنة بس مش قادرة اتقبل موتها اصلا لما بشوف حد منزل صورها وكدا بحس انه مصدومة وانه لا دا مش حقيقى ومع كدا بدعى ليها دايما بس من جوايا مش مصدقة لسة

Chocolate_57541 🇪🇬 · Answer

لا مش قادر بجد بعد أمى صعب اوى كل حاجه مش تمام والايام قاسيه جدااا تلت سنين عدوا وانا لسه واقف على باب المستشفى مستنيها مغيب عن كل حاجه ماشى فالدنيا بقلب ميت وشغف مفقود ربنا يرحمها حبيبتى ويعوضها خير ويجعل الجنه مسكنها واشوفها بخير فالجنه ونعيمها

Nutella_58637 🇪🇬 · Answer

اخدت وقت شوية على ماقدرت أكمل حياتي وأتعايش مع الحياة وارجع لطبيعتي موتها غير وأثر في حاجات كتير كانت هي غالية عليا أوي مكنش عندي اغلى منها في حياتي يمكن الحياة كانت صعبة خاصة ان كنت باخد رأيها في حاجات كتيره وبعد ماهي ماماتت مكنتش باخد راي حد رحت وسبتيني ياخالتو وكان نفسي تكون موجوده لحد ماتفرحي بيا 🥺😥