هل انت راضي عن نفسك

Question

هل انت راضي عن نفسك ولا لا وليه
واحكي الحاجات اللي لوعملتها هتبقا راضي عن نفسك

Nutella_26046 🇪🇬 · Answer

لو هتكلم عن نفسي ف الحمدلله راضية عنها قلبا وقالبا 
لكن لو جينا للقراراتي ف بنسبة كبيرة مش راضية عنها أغلب قرارتي بغلب عليها عاطفتي نادرًا ما بتصرف بعقلي وده بجد بيأثر عليا جامد ولو اتصرفت بعقلي كان زماني ف حته تانية تماما، تصرفاتي في بعض المواقف ممكن نقول عليها طايشة شوية، فيها بعض العشوائية 
والله بحاول اتغلب على كل ده ربنا يعيني..

Mango_15394 🇶🇦 · Answer

اه بصراحه بحب نفسي بعيوبي و مميزاتي 
أنا واحده بحب الهزار والضحك والمجاملات لكل اللي حواليا و بحب ابقا معروفه في المكان و ليا حس كده و لما يتقال اسمي الكل يبقا عارفني و ضحكتي في بالو والحمدلله أتميز في مدرستي بكده انو حتى لو حد ميعرفش اسمي بس يعرفني من ابتسامتي والحمدلله اصغر مني او اكبر كلهم أنا عرفاهم و مصاحباهم و ده بيخليني مرتاحه نفسيا
بالنسبه لعيوبي أنا عنيده جدا وعصبيه بشكل مش طبيعي و لما بتعصب ببقا بأرده بس ده بالنسبالي مش عيوب دي حاجات طبيعيه عند اي حد بس يمكن عيبي اني بحب لفت النظر اوي اي نعم مدرستيمفهاش ولاد و كلها بنتابع بردو بحس اني عايزه الفت النظر دايما و يمكن دي الحاجه اللي فعلا نفسي أغيرها فيا

Pear_27617 🇪🇬 · Answer

حاسة اني لو خسيت شوية هبقى راضية عن نفسي 
لو بطلت اتلعثم ف الكلام قدام الناس هبقى راضية عن نفسي 
لو بطلت معاصي هبقى راضية عن نفسي 
لو مهمنيش كلام الناس عني هبقى راضية عن نفسي  
وحاجة تمري ما قولتها بس سعات بحس اني لو حد تاني غير نفسي هكون راضية بس دي حاجة مش اكيدة

Corn_27705 🇪🇬 · Answer

(معلومة بس انا عندي 18 سنة) من كام يوم نزلت اجيب حاجة بسرعه و كنت هطلع البيت على طول بس بعد م خلصت لقيت الجو حلو اوي، و كنت عايزه اتمشى شوية بس مكنش معايا سماعتي و صاحبتي لما اتصلت بيها قالتلي مش هتعرف ترد عشان عندها مشكلة ف البيت و ساعتها حسيت اني متوترة أوي و كل الناس ف الشارع بتبصلي وحاسه انهم شايفني عبيطه و حاولت اتحرك شوية او اي حاجة بس مقدرتش و طلعت البيت على طول و كنت مخنوقه جدا و لغاية دلوقتي متضايقه من الموقف ده. الفكرة ان ده بيحصل معايا دايما، مبقدرش امشي لوحدي ف الشارع من غير سماعه او من غير م اتكلم مع حد ف التليفون، كدا كدا معنديش حد ينزل معايا بس بتخنق ان مفيش حد بينزل معايا و ان معنديش صحاب اقدر اروح وا اجي معاهم. و انا مش بحب المديا عموما ف مش منابعه تريندات او اخبار او اي حاجة و اصلا مبعرفش اتابع ولا بعرف الاقي المعلومات فين و بحس اني مينفعش صاحب اي حد عشان انا عبيطه و مش فاهمه حاجة ف المديا ولا بحب اتصور و كدا، حتى اللي كتبته ده كلو مش عارفه اشرح انا حاسه ب أيه ف الآخر او أيه اللي مضايقني.

Pineapple_27778 🇪🇬 · Answer

لا مش راضي ، للاسف انا اتحولت ١٨٠ درجه من شخص مفيش حد شبهه و كل الناس بتحكى و بتتحاكى بيه لشخص مكتئب معظم الوقت ، دماغه مليانه افكار و من كترها الكلام مبيخرجش ، شخص مش عارف يحقق اى حاجه مجرد واقف و بيتفرج ع الحياة من بعيد و نفسه يعيش بس .. ربنا يصلح الحال 😔

Ice Cream_26252 🇪🇬 · Answer

الحقيقة انا مش راضية عن نفسي عشان انا مش عندي ثقة في نفسي ودايما خايفة وبخاف اوي من ان حد يبعد عني.... انا بتعلق ب اي حد بسرعة اوي لمجرد قالي كلمة حلوة بلاقيني اتعلقت عشان انا عارفة اني فاقدة للاهتمام والحنان اللي يخليني مكتفية بذاتي... عشان كدة بلاقي نفسي زي الهبلة بتعلق وخلاص بديله كل الاهتمام والمشاعر والحب اللي عندي عشان ميفكرش يسيبني في يوم لوحدي بلاقي نفسي عمالة اخلص في مشاعري واستنزفها علي الناس وانا مخدتش حاجة هفضل جبانة وخايفة وهبلة كدة لحد امتي؟! 💔

Mango_27888 🇪🇬 · Answer

لأ.لان مش بعمل اللي عليا أو المطلوب مني وبضيع وقتي بشكل غبي ف حاجات عارفه انها مش هتفيدني .حتى لو بعدت نفسي عن المشتتات بحس اني بدور على حاجه تاني اضيع بيها وقتي .مع ان انا مش قدامي وقت اضيعه اصلا .يعني لو جيت اعمل اللي ورايا هلاقي مفيش وقت انام فيه اصلا .وكل دي بتبقى حاجات متراكمه عليا اكتر .ف علطول مزاجي بيبقى وحش بسبب كده ومبحاولش احل اي حاجه.بجد تعبت وزهقت من نفسي وم عارفه اعمل اي .ضاغطه نفسي واهلي وكل اللي حواليا.نفسي اقدر اغير حياتي بجد. أنا مكنتش كده ابداً نفسي ارجع تاني وافوق من تاني بس معتش قادره على نفسي بجدددد + اني تقريباً بعامل اقرب الناس ليا بطريقه وحشه وشخصيتي بقت عصبيه جداً ومش بستحمل اي حاجه من اي حد ودايماً عايزه ابقى لوحدي ومعملش حاجه .❤️‍🩹

Kiwi_27962 🇪🇬 · Answer

انا بحب ولد بس م مرتبطين يعني بس هو الولد ماشاء الله تحفه وانا بقيت بحس نفسي مش حلوه وساعات اقول عايزه اتغيير وكده فلو حد عنده حل يفيدني بيه ياريت يقول لان انا بقيت بكره ابص لنفسي نفسي اتغير

Mango_28076 🇪🇬 · Answer

الحقيقة لا، انا غير راضية عن نفسي إطلاقاً، معنديش أى ثقة فى نفسي، و لا بحبنى و لا بحس انى شخص يستحق أى حاجة فى الدنيا، مهما عملت مش بشوف اللى عملته إنجاز، رغم ان كلام الناس حواليا بيقول انى إنسانه لطيفة و متفوقة و مجتهدة، بس انا مش شايفة كده، عندى إحساس دايما أنهم مخدوعين في شخصيتي 
بحاول اتغير، بس مش عارفة اتخطى الأفكار دى، لو حد يعرف ازاى أكون شاكرة جدا

Blueberry_12030 🇪🇬 · Answer

لا، انا شخص فاشل يعني دينياً مش عارف يصلح نفسه دينياً ودراسياً دخلت تخصص مش حباه ومش عارفه اذاكره حتي ولا طايقه اروحه وبعيط كل يوم وانا رايحاه والحاجه اللي فولت اتعلمها اشتغل فبها بماطل ومبعرفش اكون صحاب ولا حتي بقيت عارفه استمتع بالرفهيات اللي عندي

اللي هيخليني راضيه عن نفسي لو كنت دخلت التخصص اللي حباه وصلحت نفسي دينياً

Blueberry_35639 🇯🇴 · Answer

احس لا مو راضي واحياناً احس ايه الحمدلله راضي وبالف نعمه لكن داخلياً ابغى اتغير ما ابغى اكون هذا الشخص ممكن انا شخص عمل حاجات كثير سيئة وهاد الي مخلي داخلي احساس بالعجز واحساس بأني شخص سيء شخص بدون مبالغة اقرف منه احياناً مش عارف اتغير او انه اكون حاطط قرار براسي واساويه في بحياتي فراغ لكن هي فيها حياة فاهمين !؟ادرس اخرج اضحك اقرأ اصور اعمل كل حاجة لكن الفتر هذي بلش يصير عندي انعزال مؤذي وكبير عدم احساس بالفرح او السعادة انعدام كبير بالشغف دايم بس انام ومنعزل احساس بالندم لا يفارقني نهائي بس حزين وايضاً الصعب احساس بالخنقة الدائم مهما تكلمت ما يفيد او فضفضت اتكلم مع ربنا بكل فرصه اقول كلشي بخاطري صلاتي مو منتظمه لكن اسعى حالياً اني اجعلها منتظمة بكل الطرق حرفياً هي اولى اهتمامتي وأولوياتي الان حياتي صارت اشبه بحفرة بس قاعدة تسحبني للداخل والحفرة كلها سوء وظلمة مو عارف اخرج واسيطر واتغير لجأت لهذا البرنامج عشان افضفض بدون ما احد يدري منو انا او يحكم علي او يعرفني تعبت جداً صابني ارق مؤخراً نومي تخربط بشكل فظيع نفسيتي في تدهور صايبني احساس بالقرف بشكل كبير من نفسي ايه احس بالقرف من عقلي وحالتي والي كنت اسويه مو عارف كيف اخرج من هذي الحالة زعلان على نفسي لاني كذا وزعلان على حياتي الي بتضيع وان ما عندي احد اتكلم وياه وكثير اشياء انا فعلاً مو راضي عني انا لكن اضل اقول الحمدلله احسن من غيري في اشياء افكر فيها لو اقولها رح تتعجبو مني التفكير ما يفارقني صار مفرط بشكل قذر ومؤذي لو اشرح من هنا للصباح ما انتهي يكفي هذا القدر من سخرية حياتي الله سبحانه وتعالى اكثر رحمة بعباده ولا يترك يد عبد لجأ له وانا توكلت على الله بقصتي هذي هو الصديق وهو الي رح يكون معاي 
#مجرد شخص حابب يحكي قصته وما ينعرف

Mango_30422 🇪🇬 · Answer

لا احس انى مش راضية عن نفسى فى حاجات كتير و مش عارفة انا ليه بعمل كدة اول حاجة و هى الصلاه بجد بجد اكتر حاجة مأثرة عليا فى حياتى كلها اهمالى للصلاه و عدم انتظامى و كل ما اقول هنتظم و مش هعمل تانى ارجع و اعيد كل اللى عملته تانى 
تانى حاجة انى مأثرة فى حياتى عامتا و بعدت عن ربنا و حفظى لقرآنى و الاذكار و مذاكرتى و كل حاجة فى حياتى مدمرة بجد حاسة أن انا مليش لازمة فى الحياة كل حاجة مأثرة فيها الحاجة الوحيدة اللى فالحة فيها الموبايل و اتفرج على مسلسلات غير كدة مأثرة جامد اوى بجد و بحس أن انا عايزة و عايزة اصرخ و اطلع كل اللى جوايا لحد ما أهدى و ارتاح و ارجع تانى زى ما كنت صغيرة أصلى و احفظ قرآنى بانتظام بس مش عارفة ايه اللى بيحصلى 😭😭