اى اكتر حاجة بتكرهها في نفسك؟

Question

اي هي اكتر حاجة بتكرها في نفسك او شخصيتك؟ وازاي بتحاول انك تتخلص منها وهل نجحت ولا لا؟ احكلنا قصتك

Chocolate_58050 🇪🇬 · Answer

التردد والخوف والكسوف 
يتردد في فعل حجات كتير 
في اوقات كتير ببان كشخص غبي او ابله لسبب تصرفاتي العفويه بس دي مش مشكلتي مشكله البيئه الي اتربيت فيها ابن وحيد فرق اكتر من ٤٠ سنه بيني وبين اهلي يعني اكتر من ٣ أجيال يعني اكتر من ٤٠ سنه من اختلاف طريقه الكلام واجهات النظر انا بحكم سني بعقل طفل يعتبر ولاكن اهلي بعقل أشخاص في عمر كبر السنغالي مخليهم بعيد عني في كل حاجه ودا . خلاني بوصل لاكت حاجه بكره في بجد ال هي الكلام الكتير اول ما بشوف حد بحب اتكلم معه كتيررر لاني ممكن يعدي علي يوم بقول بس (حاضر . هجيب . هنزل .٥دقاءق بلعب .هناكل ء . في اكل ء انهرضه ) بس مش هلاقي حد اكلمه احكيلو اهتماماتي او شعوري او مشكلي .. ودا الي خلاني معنديش اصحاب لاني بكلم كتير ومحدش بيحب يسمع الكلام عاوز يتكلم

Chocolate_57541 🇪🇬 · Answer

هو غريب بس اكتر حاجه بكرها ف نفسى انى محترم فى عيون الناس كلها ف احترامى دا اذانى مفدنيش يمكن اه محبوب شويه لكن محطوط ف قالب كدا مش عارف اطلع منه وبعافر بقالى كذا سنه لدرجه حاسس انى مريض نفسى ولازم اتعالج ضرورى

Strawberry_57255 🇪🇬 · Answer

اكتر حاجة بكرهها فى نفسى انى مش متقبلاها ولا عايزاها ديما بقارن نفسى باى حد سواء اعرفه او لا و ديما بشوف نفسى الاسوء سواء من الشكل او من الشخصية او مثلا لما حد يقولى ان ملامحى حلوة او مثلا شكلى انهاردة مميز او اى حاجة من دى ببتسم من باب الذوق بس من جوايا ببقى بقول انه بيقول كده وخلاص و ان الشخص ده كداب حاولت كتير اثق فى نفسى اكتر بس ولا مرة عرفت

Watermelon_59134 🇪🇬 · Answer

انا اكثر حاجه بكرهها في نفسي العادة السريه عشان عمري ما حسيت اني ضعيف و مقدرش اغير من نفسي كده حاولت كثير جدا وفشلت انا بعملها من سن ١٣ سنه و انا غيرت من جسمي و صحتي و نومي و كل حاجه في اتغيرت حتي المكان اللي كنت عايش فيه حتي صحابي بشربوا كل انواع الممنوعات و بناموا مع نسوان وكمان وانا بصلي و بعملش اي حاجه حرام تقربيا غير العاده السريه ده بجد خايف اروح لدكتور نفسي يديني علاج لقلل الذكوره عندي

Strawberry_58705 🇪🇬 · Answer

اني ساعات كتير مش بعرف اسيطر ع مواقفي .. و اني عفويه و طيبه بزياده ... ده غلط ف زمن بقوا مستنيك اقول حرف عشان يمسكونها عليك... و ممكن نقول اني مش فاهمه انا شخصيه ايه بس دي مش حاجه بكرها بالعكس بحس اني متنوعه كل حاجه عندي و ببقي فيها ز ببقي احسن واحده فيها كمان

Banana_57181 🇪🇬 · Answer

الرغي انا رغايه اوفر يصراحه وده بيوقعنا في مصايب
زي الغيبه
والنميمه
واني اكون مكشوفه قدام الناس اوي
ماعنديش سر
واحيانا بكذب وانا مش واخده بالي اصلا باخد بالي لما اركز
وكتير اللي قدامي بيتصدع مني فبينفرو مني

Apple_59652 🇪🇬 · Answer

غصب عني باخد بالي من اي تفاصيل و بالذات ان ليا حد من صحابي قريب مني جدا الفتره دي فا انا بعتم بزياده و ببقي عامل فيها دور الاب و الام غالبا فا ده ببخليني اتاثر من اي حاجه يعني مثلا لو قلتله ننزل في مكان و قالي لا مش قادر و لقيته نزل هو و مكلمنيش بكتأب و مبعرفش اواجه بحس اني لو واجهته هبقي عيل تقيل و رخم و هيخف كلام معايا و كده

Potato_58453 🇪🇬 · Answer

ان انا بفكر في كل تفصيله سواء صغيره او كبيره انا ممكن منامش لمجرد ان حد نبرته اتغيرت معايا بس او حسيت انه زعل بفكر في المواضيع الف مره وبقول يمكن هو افتكرني بقول كذا وانا قصدي علي حاجه تانيه فهو زعل وقال كده عشان ميضايقنيش ويمكن لما حد يقولي كلمه وحشه مش بقول هو غلطان بقول انا عملت ايه عشان يقول كده وابدا اراجع كل شيء حرفيا والاقي اني مغلطش في حقه بس اقول يمكن الموضوع الفلاني هو فهمه كده غلط 
انا هنا بتكلم علي اقرب ناس لي مش اي حد واه سعات بحس كده مع كل الناس بس الفرق لو حد مش غالي عندي غلط في باخد حقي

Chocolate_59813 🇪🇬 · Answer

انى دايما عندى نوع معامله مستنياه من الشخص إلى قدامى لو مش نفس الليفل إلى انا حاطاه لنفسى خلاص بتقفل و كمان بنسى الناس بسهوله جداا يعنى خرجت من حياتى بعدها بدقيقه اكون ناسيه الحلو ز الوحش مش بعرف ابادر و ادخل اسال على حد لو حد مكلمنيش لمده سنه انا مش اكلمه و ممكن أنساه اصلا و معنديش مبدأ فرصه تانيه مش بعرف اسيب حاجه و ارجع ليها تانى مستحيل بس فى الاخر 🩷I love me

Strawberry_58159 🇪🇬 · Answer

هو مش انا اللي بكرها بس في ناس مش بتحبها فيا (البرود) مع اني شايفه نفسي عادي بس اتس اوكي...ممكن انا مش بحب اني بدقق اوي فالتفاصيل بزياده وبشيل مسئوليات مش تخصني اصلا هو انا مش بكره الحاجات دي فيا بس بفضل اني اعتدل فيها ومبقاش اوڤر☺️

Banana_59926 🇪🇬 · Answer

اني اوقات بحتاج للناس يعني مثلا بحتاج للرغي بحتاج لحد نفضفض سوا بتاح لحد ننزل مش بحب اخرج مع نفسي و هكذا 
.................. اااااااااااااااا
واني ديما بحسن الظن ديما ديما يعني و ده مبقاش مطلوب دلوقتي يا عان اسمعو مني 😂😂

Pineapple_59831 🇪🇬 · Answer

تقلب مزاجي و عدم ثباتي هلى حاجة و تغير افكاري بحس اني خلاص حليت حاجة بعدها بشوية برجع الاقي لسه عملالي مشكلة 
اني شخص مفرط الحساسية و انفعالية سواء بحزن او عياط او غضب او تسرع 
فيببقى عيوطة يا بزعل اللي قدامي بكلام بندم عليه

Mango_56244 🇪🇬 · Answer

التهور العصبيه ممكن علشان انا صعيدى والتربيه و العادات و التقاليد وعندينا الكلمه ممكن تقتل صاحبها و يمكن هنا المشاكل و التار و ضرب النار و هيبه العائله و التعصب يمكن بتعصب و بتهور و بندم فى مواقف كتير و ده خسرني كتير وممكن كنت ضيعت نفسي فى مواقف تافهه