حاجه دمرتك نفسياً

Question

احكي لنا عن حاجه حصلتلك مش عارفه تحكيها لحد، وقولنا تجربتك، وهل قدرت تتخطى الموقف وترجع طبيعي؟

Sugar_39612 🇪🇬 · Answer

فقدان الثقة في اقرب ناس ليا والخذلان من ناس كنت فكراهم صحابي وبيحبوني 
م هقدر انسي للوجع اللي سببهولي 
دا غير عدم الخوف من ربنا في فعل كل ما حرمه الله
ربنا يدوقهم اضعاف اضعاف اضعاف اللي عملوه معايا كلهم بلا استثناء

Olive_29055 🇮🇶 · Answer

حبيت بنت كانت الحب البكر اول مرة احب اعطيتها حب مش شايفتو بحياتها و اعطيتها اهتمام ابوها ما مهتم فيها مثلي بحيث لو غابت ساعة برن اسئل عليها وين بتلاقي هيك شب ما كنت ارفضلها طلب كل هذا و حبت شب اوسخ من الي برجلي سمين و وجهو شبه الي لابسينو و انا جميل ما فيني اشي عيوني خضراء اللون و حلو و جذاب حتى بكلامي و شخصيتي حلوة اضحك و امزح و ما اخلي بقلبي حاجة و على مدار ٦ سنين دمرتني و دمرت شخصيتي و حتى فقدت الثقة بنفسي بسببها و فقدت السيطرة ع حالي من وراها حتى قمت ادخن مع العلم كنت اكره التدخين و لحد اليوم هيا ببالي و ما بقدر اطلعها من بالي شو الحل مع العلم حكيت مع الف بنت بعدها و ما فاد اي شي حتى لمن اطلع سفر انفه ع حالي اتذكرها و انزعج و بدي بس ارجع للبيت

Cherry_38008 🇪🇬 · Answer

موت بنتي .. كان حاجه صعبه جدا خصوصا ان كنت مستنيه ان ربنا يرزقني واكون ام ... ويعد علاج ربنا رزقني بيها بس اتولدت مريضه ....... 
كان عندها مشاكل في القلب وثقوب وكانت بتوسع ودا امي الي انها ماتت .. وبعدها مت  انا

Ice Cream_40280 🇪🇬 · Answer

اول مره أشارك و معرفش الدنيا ماشيه ازاى بس أنا حرفيا انسان ميت بيتكلم ...
من سنتين اتعرضت لأقصى وجع ممكن حد فى الدنيا انه يواجهه ...الخيانه و الخذلان ..
و للعلم فقط انا كنت حلم لإى شاب انه يبقى زيى و مثال حى للرجل إللى كل واحد بيحلم يكون فى نفس مكانه ، ناجح فى شغلى و بيتى و حياتى كلها معايا فلوس ووسيم و صحتى زى الحديد و أولادى ناجحين و يشرفوا اى حد و ليا أصحاب يسدوا عين الشمس ...
بس دلوقتى ...انا لوحدى منتظر الموت كل يوم بفارغ الصبر ...

Blueberry_40271 🇪🇬 · Answer

مش عارف أبدا منين الموضوع كبير وحساس شوية 
الحياة فيها اختبارات كتير بس كلها صعبة هحاول اختصرها علشان نفسي حد يفهمني واشوف اذا فيه حد شبهي ولا لا . اول حاجة وعيت ع الدنيا ومعرفش ابويا شكله اي اتحرمت منه وهو عايش لانه منفصل عن امي وانا ابن شهر ولما تميت 6سنين اتحرمت من امي واخواتي وهما عايشين بردو وبعتوني اتربى مع ناس تانيين غيرهم نظرا للحالة المادية مكنتش احسن حاجة ، بس كنت وسط الناس دول غريب عليهم وكانو بيعاملوني بطريقة زفت زي العبيد لدرجة ان جيرانهم قالو عليا خدام ما علينا من كل دا الصدمة اللي بجد لما رجعت لاهلي ونا ف اعدادي حسيت اني غريب عليهم بردو ملقتش لنفسي مكان وسطهم كان ليا اخ كفرني ف عيشتي عاملني بطريقة اوسخ من اللي الناس كانت بتعاملني بيها وفضل يقولي اني ضيف وغير مرحب بيه وانه عايزني ارجع مكان ما جيتلهم ومكنش ليا اصحاب ف الوقت دا ومحدش اقدر احكيله عن اللي جوايا بس طول فترة طفولتي كنت غريب على كل الناس .
عدى فترة واصحاب اخويا بقو بيتصاحبو عليا ويخلوني اطمن ليهم وطبعا كانو بيحضرو كل مشاكل اخويا واخويا كان بيتكلم معاهم انه يطفشني من البيت وكدا . وهما استغلوني واستغلو ان محدش هيسأل فيا . وف يوم كنت متخانق مع اخويا وطردني من البيت وهما نزلو ورايا كانو بيكلموني اني ارجع معاهم وانا مكنتش برضى ف ضربوني وخطفوني ف مكان انا لحد دلوقتي عندي مشكلة منه . خدوني ف المقابر كملو عليا ضرب واعتدو عليا جنسيا بهدلوني ومقدرتش احكي لحد حاجة خوفت من اخويا واللي هيعملو فيا لانه مجنون وكدا كدا مش بيحبني لاني غريب عليه وميعرفنيش هو فجاة لقى ليه اخ عايش معاه غيرله كل حساباته لانه كان هيتجوز مع امي ولما انا جيت اهل خطيبته رفضو دا ف خططه وترتيباته باظت ف كرهني .
وف فترة البلوغ انا بدأت انجذب للولاد منعت نفسي كتير فضلت 3سنين بحاول مع نفسي اني ابعد عن التفكير ف الموضوع دا وابعد عن الدايرة دي بس جه عليا لحظة ضعفت ومقدرتش وغلطت كتير كأني كنت ف قفص واتفحلي القفص دا . وبعدها بقيت بحاول ادور على طريق الرجوع بقالي سنين ونا بحاول ومش عارف . وحتى انا مبقتش عارف نفسي انا مين انا كنت شخص كويس جدا جدا كنت ملاك بالمعنى الحرفي لكن دلوقتي انا مين معرفش حد اتطبع عليه سواد البشر وبقيت تايه وبردو وحيد لا عندي صاحب ولا حد احكيله .
مفيش حاجة ف حياتي اخترتها كل حاجة اتفرضت عليا

Peanut_38666 🇪🇬 · Answer

امي ماتت وانا ف ٦ ابتدائي ابي اتجوز علي طول واحدة مراعتش ربنا فينا ابدا خالي خذلان كبير اوي من ابي انه عمره منصفني قدامها عمره بجد دايما كان شايف وعانل نفسه مش واخد باله او عمره اصلا م خد باله مننا وفاكر ان هيا كدا بتربينا كانت متحكمه فيا انا واخواتي وكنت بحاول اعدي واسمع الكلام واقول حاضر علشان اعيش 
ابويا طردني من بيتي مرتين بسبب المشاكل معاها عمره م نصفني واختارني انا واخواتي 
لما كبرت كان كل املي اتجوز واسيب البيت واستقل اتقدملي واحد بحبه وبيحبني اوي وشاريني اوي وابي كان مغرور بسبب ان احنا اعلي منهم ماديا مع انه ف الاول كان موافق بيه جدا مش عارفة بيغير رايه ف لحظة ليه ، وبعدين حلف بالطلاق اني مش هتجوزة وساعتها برضو حسيت ليه تحطني معاها في مقارنه برضو هتختارها وانا لا 
وبعدي حاولت احل نعاه المووضع ونشوف حل للطلاق وحصل وبعدها ضحك عليا وقالي مفيش جواز وحاولت تاني اتكلم معاه وقال ماشي وراح يقعد ويشوف المكان بتاع العريس ورجع من عندهم قالي براحتك انتي اللي هتعيشي قولتله موافقة ونايمه فرحانه علي اني عروسة نام وصحي غير رايه وقالي مفيش جواز وغصب عنك ولما حاولت اتكلم ضربني ومنعني من شغلي اسبوعين وفضلت اتحايل عليه كتير لحد م نزلني ومش بيكلمني ومانعني من الخروج من الببت غير انه طبعا اتهمني في اخلاقي وقال عني الفاظ خارجة 
خذلني وضحك عليا ومش مسمحاه ابدا وبعد عني شخص بحبه ..

Apple_39780 🇪🇬 · Answer

انا بتعاير بل اكل الي باكله عشان مش لا في شغل اجيب منه فلوس فليعيروني بل اكل و انا والله والله نفسي اشتغل مش لاقي وهم مفكرني الي انا مش عاوز اشتغل وانا ليل و نهار بدور على شغل ليفضلو يقولو لي انت بتتكلم كتير

Blueberry_27226 🇪🇬 · Answer

مش تدمير بس هو فعلا تاعبني 
لما قعدت مع نفسي شوية لقيت ان عمري ما اتراضيت يعني فى اي موقف حصل وزعلني محدش بيحس اني زعلانة اصلا انا عارفة اني مستناش حد يراضيني بس كان نفسي احس انى غالية عند حد كان نفسي احس اني فارقة معاهم بتصعب عليا نفسي لما اخاف على مشاعرهم من اقل حاجة وهما مش مقدرين 😮‍💨😔

Croissant_40518 🇪🇬 · Answer

انا طول عمري وزني مش المثالي ولا تخينه اوي يعني بس ديما كنت حاطه في بالي أن وزني سبب كل مشاكلي من أهمهم أن محدش حبني قبل كام شهر كده ابن خالي قالي أنه معجب بيا و الصراحه انا كنت بحبه من فتره بس ده لما كنا صغيرين انا عندي مشكله بقا أن لما كنت بحب حد وانا عارفه كده كده أنه مش هيحبني فا كنت بتخيل بقا اني حبيته وكده وبعد كدا بحب حد تاني وهكذا علشان انا كنت حاسه ان ده مش هيحصل فا ايه المشكله اني اتخيل اني بكلمه مش موضوعنا المهم هو لما جه قالي الصراحه الموضوع مكنش في بالي اوي يعني مكنتش بحبه بس قولت انا كده كده مش بعرف اتعامل مع الولاد وده قريبي وكمان انا كنت بحبه فا ليه لا وجربت وقلت له اني معجبه بيه ارتبطنا 23يوم اتكلمنا فيهم يومين مره الي هي اول مره وسألني فيها عن معنا كده كلمه المفروض يعني أن معني الكلمه ديه أن البنت الي بتعملها تبقي مش كويسه فأنا عدتها وقلت بيطمن مع اني مفهمش ازي يعني ده انا بنت خاله ازي يشك أن انا كده وبعديها باسبوع كده جه وقالي وبجد هي الكلمه دي الي اتأذيت منها قال كده بقوللك ينفع تهتمي بنفسك اكتر من كده فسألته ازي يعني قالي أن تنزلي الجيم وكده فا قلتله اه كنت بفكر المهم اني معتبتوش ولا قلت حاجه بس قعدت اسبوع كمان قلت اديلوا فرصه يسأل عليا يعتزر اي حاجه محصلش فا قطعت علاقتي بيه فا كانت اول تجربه واخر تجربه بجد خرجت منها ماذيه جدا لو عايزين تعرفوا ازي انتقمت منه ابعتو
.......

Sugar_25534 🇪🇬 · Answer

ابويا وتحكمه الشديد فيا وكرهه ليا 
بقى عندي تروما من اي حاجة ليها علاقة بيه بخاف ارد على مكالماته فبقوله مسمعتش بخاف لما اشوف عربيه  نفس لون عربيته بترعب وبترعش لما بيبعتلي رسالة واي حاجة ممكن تفكرني بيه بترعبني
ابويا معقد ومش طبيعي نهائي وانا بحاول مديش ريأكشن لتصرفاته وكلامه اللي بتقطعني مية حتة
مبيحبش انو يقول حاجة ومتحصلش اللي عايزه هو بس اللي هيمشي مش مهم انا رأيي ايه
وهو عصبي واسلوبه قاسي جدا وانا تعبت والله

Strawberry_39101 🇪🇬 · Answer

ارتبط بواحد اربع سنين حبيته اوي واتعلقت بيه كان اول شخص يدخل حياتي وكان اول حد احبه من كل قلبي بجد بس هو مقدرش ده في الاول كان كويس اوي بعد كده بدا يتغير كل ما اقوله نتكلم شويه يتحجج بشغل او انه مع اهله او صحابه وكان يرفض كان يختفي ويرجع يلاقيني مستنياه ومن كتر المبررات بتاعته انا بقيت حفظاها خلاص جيت في الاخر مشاعري بقت بارده ناحيته المفروض كنا متفقين على وقت معين هيكلم بابا فيه ويتقدم قالي هكلم اهلى بعدين هيجيو يتقدمو قولتله تمام في يوم قالي انه كلم مامته وصدمني برده انه م عايزينه يتجوز من المحافظه بتاعتي لان البنات مشهوره فيها انها مش كويسه المهم قالي متقلقيش هكلمها وبتاع قولتله تمام انا اتكسرت من جوايا يعني ايه يعني هي مش عارفاني يعني المهم بعد كام يوم قالي انها مش موافقع لا هي ولا ابوه انهم يجيو معاه ومش هينفع يجي لوحده وقفلت المكالمه من يومها ولحد دلوقتى انا معرفش عنه حاجه دماغي مش قادره تستوعب ازاي كل ده وكلامه ليا ووعوده ليا معقول اربع سنين هانو عليه كده

Biscuit_31702 🇪🇬 · Answer

اتعرضت للتحرش وانا عندي ٧ او ٨ سنين ولحد دلوقتي مش عارله اتخطي وخوفي من الرجاله بيزيد يوم بعد يوم مش عارفه اتخطي ازاي حسا اني محتاجه ثيرابثت بس اهلي مش مقتنعين اني لزم اروح الحاجه التانيه وفاه والدي لحد دلوقتي من ٥ سنين مش عارفه اتخطي خالص كلام اهلي سبب كبير في ضغط التلت حجات بيدخلوني في دوامه غير الاوفر ثينك ف انا فعلا مدمره

Peanut_41095 🇪🇬 · Answer

ابويا مات و من ساعتها مش لاقي حد يفهمني زيه ولا حد يكون معايا زي ما هو كان معايا بحاول املي الحتي دي بالصحاب و بصراحه هما جدعان بس محدش عرف يعوضني غيابه و تونيسه ليا و احتواء دماغي زيه و دا يمكن اكتر حاجه بالنسبالي مرهقه نفسيا و مدمره

Chocolate_43067 🇪🇬 · Answer

انا من صغري وعندي تأتأه وبدأت تتحل قبل مخش سنه اولي اعدادي وبعدها بعد مدخلت المدرسه كنت كويس بس لقيت واحد نفس المشكله وانا كنت اتصاحبت عليه وبعد سنه رجعلي نفس المشكله ونفسيتي مدمره علشان التنمر ومش عارف اعمل ايه لو حد عارف ياريت يساعدني