ايه الحاجة لو اختفت من حياتك او مكانتش حصلت كنت هتبقي احسن

Question

مثلا موقف حصل شخص قابلته مشاكل حصلت وتتمني انها تكون محصلتش وبسبب المشاكل او المواقف او الأشخاص انت حزين او مش عارف ترجع زي الاول

Durian_52455 🇪🇬 · Answer

السؤال ده فيه إعتراض غير مباشر على أقدار ربنا، بس رغم كدة هجاوب بردو 😂
اى حاجة زعلنا عليها فى الماضى أو اتأثرنا بيها بسبب الذكريات…
هيجى الوقت واللى هتقول فيه إن الحمدلله ربنا حطنى فى القدر الصعب ده علشان يعلمنى درس
أسباب مخاوفك دلوقتى بكرة تكون أسباب نجاحك..
بس بشرط
إنك تواجهها بطولك
هتيجى عليك أوقات وتضعف، المهم إنك تفكّر نفسك بإستمرار "ليه" / "اية الهدف" / "انا هنا علشان مين"

Donut_50330 🇮🇹 · Answer

التليفون لو اختفى من حياتنا هتكون احسن ب كتير اوووي ولله علشان لما كنت صغيره كنت بحب العب كده حته لو بلعب غصب عني بس أنا بحب كده و كمان لو مكنتش اتعرفت عليه أنا متأكده إني كنت هكون كويسه اكتر من دلوقتي

Cookies_35975 🇸🇦 · Answer

في حد كده لو مكنتش قابلته من سنه و 5 شهور كل حاجه كانت هتبقى احسن مكنتش هقصر في حق اي حاجه في حياتي كنت هبقى زي ما أنا بس الي أنا فيه ده دلوقتي مش أنا خالص و الموضوع تاعبنيييييي جدا عارفه انه خير و ان ربنا مش بيجيب حاجه وحشه بس أنا لو مكنتش عرفته كان زماني احسن بكتير مستنيه اخلص فترة امتحاناتي و أتخرج و بعدها هعمل كل حاجه و اي حاجه عشان أنسى الي حصل و أبداء حياه جديده ب ناس جديده و شكل جديد و ستايل لي اللبس جديد يمكن بس ارجع زي الأول

French Fries_52811 🇪🇬 · Answer

بنت حبيتها ف وقت الجامعه 
لو ماكنتش موجوده ماكنتش موجوده حياتي كانت هتبقي اجمل بكتير لان لما حبيتها حببتها فعلا من كل قلبي واتعلقت بيها لدرجه ان اخاف اعمل اي حاجه تزعلها من قبل ما يكون في بينا اي علاقه اساسا بس وفضلت احبها من طرف واحد يعتبر لحد ما استنزفت كل مشاعري وبقيت انسان صعب جدا يحب حد

Ice Cream_20764 🇪🇬 · Answer

ماما م هتصدق أن انا اللي بقول كدا بس هي بجد عندها حق الموبايل دا دمرنا وفعلًا سارق كل وقتنا حتي لو مفيش حاجه مهمه عليه، لما حاولت ابعد عنه فتره عشان اركز في مذاكرتي رجعت افتكر أقل حاجه مضايقاني ودماغي رجعت تشتغل طول اليوم م وقت النوم بس وكل دا عشان للأسف كنت بهرب فيه من كل حاجه سواء خنقه زعل تعب زعيق فالبيت حتي لما كنت باجي اذاكر وبكتشف إن ورايا مذاكره كتير او راكمت حاجات كتير ولازم اذاكرهم كلهم دلوقتي كنت بمسكه ومبعملش حاجه خالص كأنه مسكن لدماغك عن اللي عليك او اللي مزعلك او ايًا يكن الحاجه اللي بتهرب منها، حتي لما بتخنق وبزهق منه مكنتش بسيبه عشان خلاص بقي إدمان واهو بحاول أقلل من مسكتي ليه واني اقدر اقعد من غيره، ف بجد لو مكنتش اتعلقت بيه للدرجادي كان ممكن حاجات كتير تتصلح وتبقي أحسن.

Banana_53154 🇪🇬 · Answer

لو مكنش شخص معين دخل حياتي اظن مكنتش هتبقي بالسوء دة 
كان ممكن تبقي احسن 
كان صعب عليا فالدخول و فالخروج اتاذيت جامد وحولني فعلا لشخص تاني أنا مبقتش عارفة 
لو مكنش جة كان احسن كنت كسبت نفسي علي الاقل

Apple_53246 🇪🇬 · Answer

المشكله مش في وجود الشخص !! 
المشكله اللي بجد ان في حاجات الإنسان بيتولد بتكون في حياته زي الأب كده أنا لو كان في أيدي أقوم بتغير الأب كنت عملتها وبجد اكتر حاجه وجعلني ان كل القرارات اللي هو فرضها عليا أنا و اخواتي كلها كانت غلط اكتر من ٢٣ سنه كلنا بنعاني من قرار هو شجعنا عليه بسبب القرار ده كلنا خسرنا اللي خسر مستقبله واللي خسر نفسه واللي خسر ان يكون إنسان طبيعي 
دي نصيحه من شخص غريب أوعي تخلي حد ياخد قرار انت اللي تدفع تتمنه في الأخر 
ده قرارك دي حياتك انت محدش يتخل فيها

Coconut_53486 🇪🇬 · Answer

فيه حاجات اتعلمتها كتير لوحدي في الحياة محدش قاللي ده صح و ده غلط حتى في علاقتي الشخصية بشخصية ما يعني كنت دايما شايفها بأنوثتها و بجدعنتها مفكرتش ف يوم من الأيام إنها ممكن تأذيني بتصرفات فاكرة نفسها إنها كدة بتحافظ على شكلها و بتحافظ على كريزمتها لكن للأسف أنا اللي كنت عامل للخرة سعر و أنا مش واخد بالي أتمنى مكانتش تظهر في حياتي ف الوقت اللي كنت محتاجها فعلا فيه بنفس الصورة اللي عرفتها بيها

Apple_52997 🇪🇬 · Answer

انا حياتي بسيطة وعفوية وبتعلق جامد بدون حتي افعال من الشخصية الا قدامي معروف عني الجدعانة وعمري ما خيبت امل حد فيا ودورت كتير اوووي عن صاحبة تكون جدعه صحبت مرتين في عمري والحمدلله مكنش ليا نصيب فيهم الصديقة الاولي قعدت معايا فترة كبيرة اوووي والصديقه التانية فترة مش قليله ومع ذلك لسة ملقتش الا يليق عليا الصديقه الاولي خبطتني كف محترم وغدرت بيا والصديقه التاني مينفعش اقول عليها كلمة وحشة بس مكناش شبهه بعض حبيتها جامد من كل قلبي اتغيرت علشانها وعلشان اكون لاقية عليها وبردوا منفعناش هي كانت دماغ وانا كنت دماغ بس متعلقه اووووي بيها ومش عارفه اشيها من دماغي انا مش بعيد عنها من زمان بس طول فترة الصداقة واحنا مش متفهمين مع بعض خالص اغلب الفترة الا بيني وبينها كلها خصام وضغطاني جداا ومستنزفاني بطريقه اوفر وحرقة دم وانا من النوع اصلا الحساس انصحوني باية علشان انساها واتخطها 💔 ملحوظة هي عايشها وانا مش فارقلها وعمري ما فرقت مع حد بصفه عامة بس كنت مفكرة اني عنها زي ما هي عندي وكنت مفكرها غيرهم الحمدلله دا نصيب وانا راضية بية نصيحة من قلبكم ليا ♥️

Chilli_54677 🇪🇬 · Answer

اني مكنتش هربت من الجيش وانا فاضلي ٦ شهور ودلولقتي ٣٠ سنه ودنيتي كلها عطلانه مع اني شاطر ف شغلي جدا بس لا عارف الاقي
 فرصه كويسه بسبب الورقه دي ولا عارف اسافر تفتكرو اسلم نفسي احسن ولا استني ل ٣٦ وافضل مكمل ف ان حياتي ماشيه بالقطاره

Mango_55973 🇪🇬 · Answer

أهلي علشان هما اكتر ناس اذوني في حياتي من اول ما وعيت علي الدنيا واحنا في مشاكل وقرف واللي يسوي واللي ميسواش يدخل في حياتنا فكنت بروح عند جدتي وعماتي ودول بقي اكتر اذوني بعد ابويا وأمي كانوا ديما بيتريقوا عليا ويشخطوا فيا ويقللوا مني قدام الناس كلهم مش سالكين ومش بيحبوني مش عارف ليه وفي الآخر طلعت ايه شخص عنده رهاب اجتماعي ، معندهوش اي ثقه في نفسه ، مهزوز وضعيف الشخصية ، مش بعرف اتعامل مع الناس مش بعرف ارد لو حد ضايقني بخاف 
بخاف من كل حاجه مش عارف ليه ومش بعرف اعبر عن مشاعري وحاسس اني تايه انا مش عارف انا مين وعايز ايه 
بقي عندي 25 سنة وخريج كلية تجاره بقالي 3 سنين متخرج ومعملتش اي حاجه انا فاشل وضايع في كله وبقيت جعان حب واهتمام عايز حد يشوفني ويحس بيا بس مفيش حد حاسس بيا مفيش حد مهتم بوجودي انا هوا ولا حاجه

French Fries_26228 🇪🇬 · Answer

ولا حاجة ، كل حاجة سواء وحشة او كويسة كان ليها السبب اني اكون الشخصية اللي انا عليها اليوم ،والنضج اللي انا عليه،وانا ممتنة اوي للحجات دي كلها ،وكل حاجة بتحصل لخير ولسبب وحكمة ربنا وحدة أعلم بيها والعوض هيجي ان شاء الله

Banana_56622 🇪🇬 · Answer

عموما انا مؤمن بمقولة أن كل حاجة بتحصل لسبب يعني  كل حاجة بتحصل في حياتنا أو اي حد يدخل حياتنا بيغير فينا حاجة سواء في شخصيتك أو التعامل بتاعك ودائما احنا بنتعلم من المواقف الوحشه اللي بتحصل وعمرنا ما كنا نعرف نتعلمها لو كان مبيحصلناش مواقف وحشه 
فدائما اعرف أن كل حاجه بتحصل لسبب وحاول تتعلم كل يوم ومتعيش دور الضحيه 👍

Banana_57181 🇪🇬 · Answer

حاسه لو كنت اتجوزت( من حد كويس)  حياتي كانت هتبقي أحسن
كان هيكون ليا بيتي
حياتي اللي اهتم بيها
هبعد عن مشاكل امي
وهحس بالاستقرار
والاهم ماكنتش هبقى داخله على التلاتين وانا لوحدي
كان هيبقى في ونيس فكنت هحس بالامان فكنت هبقى أهدا
مطمنه