تجربتك مع الشعور ب الندم

Question

احكولي قصتكم مع الندم، اية الاشياء اللي ندمتم عليها وازاي الشعور دة اثر عليكم وازاي تغلبتم عليه

Cherry_29967 🇪🇬 · Answer

انا من الاشخاص ال كانت بتراكم في دراستها في السنين الدراسيه عادي جدا لكن سنة تانيه انا كنت بجد راكمت بغباء اوي في الجبر 
الجبر كان ١٧ درس الترم دا وانا مكنتش اخدت شرح اصلا فيهم غير ٤ 
انا طبعا كنت مستنيه ليلة الامتحان الم المنهج لكن اتصدم انه ١٧ درس والساعه كانت ٢ بليل والمفروض انزل ٦ الصبح عشان المدرسه كانت بعيده اوي عن البيت
فضلت اعيط كتير اوي وبدأت اهلوس جامد فالمنهج ووانا بسمع الشرح بقيت اقول كلام غير مفهوم لان الليالي ال فاتت طبعا كانت امتحان بردو ف مكنتش بنام اصلا 
الساعه جت ٣ وانا لسه بعيط وقررت استسلم وادخل انام
دي كانت اكتر لحظه في حياتي كلها اندم فيها واتصدم في اللجنه اني عارفه احل اقسم بالله بقيت اتفرج كدا ال هو هو انا بحل ازاي دا انا مخدتش شرح حتى
ادركت وقتها توفيق ربنا واني مش لوحدي وطلعت ناقصه درجات بسيطه 
اكتر لحظه ندمت فيها لحاجتين
- اني راكمت عموما ( انا دلوقتي براكم بردو )
- اني بجد مأدركتش رحمة ربنا بعباده قد ايه وانه فعلا معانا 
طلعت من اللجنه بجد كنت بعيط من توفيق ربنا
ربنا معايا ومعاك وهيوفقك

Coffee_27700 🇪🇬 · Answer

ندمان على إني اديت فرصة تانية، لأن مش كل اللي بنحبهم يستاهلوا فرصة تانية ومش كل الأخطاء في حقنا ينفع نغفرها ونديها فرصة تانية.
وندمان إني مكنتش عارف قيمة نفسي وكنت بغفر الإهانة عشان بس ألاقي حد يحبني.

Blueberry_30458 🇪🇬 · Answer

الندم دايما احساس موجود معايا دايما بندم بس يمكن فيما يخص الصحاب كل مره بقول مش هعمل كده تاني وكل مره اقول مش هقرب حد اوي مني واديله اكبر م حجمه يوم لما كان عندي بيست فريند قريب مني اوي وبعد وكل حاجه مبقتش موجوده حسيت ان كل حاجه باظت قعدت سنه تقريبا ف اكتأب بس مش بقول لحد لان بطبعي كتومه اوي ظهر عليا التعب وخسسيت ف شهر واحد بتاع 7 كيلو باين الموضوع اثر عليا ف كل حاجه بس جه وقت قولت لنفسي فيه ان لامتي هفضل كده لامتي هفضل متضايقه وعملا كده ف نفسي ليه لما اللي قدامي انا مش فارقه معاه ولا هامه ومستمتع ومبسوط ف حياته ليه انا كمان معملش كده واتبسط ف حياتي وفعلا عملت كده وقررت اني مش هضايق نفسي عشان خاطر حد وهعتبرها تجربه وعدت واتعلمت منها

Chocolate_27808 🇪🇬 · Answer

سيبت اكتر حد حبيته والوحيد اللي كنت متاكده أنه بيحبني حتي لحد دلوقتي عارفه أنه لسه بيحبني  ايوه انا اتجوزت وهو اتجوز وخلف بس عارفه اني لسه ف قلبه وهو ف قلبي. دايما بحلم بيه وع فكره مش عشان بفكر فيه حتي لو يوم حاولت أطلعه من تفكيري بحلم بيه دائما ضحكته بتيجي ف بالي الوحيد اللي كان بيبصلي اني كتيره عليه ويمكن حد يقولي غلط بس والله ما بايدي 😑🥺😔

Sugar_30596 🇪🇬 · Answer

يعني انا الحمدلله عمري ما ندمت علي اي حاجه سواء كانت حلوه او وحشه لانه مقطنعه ان اي حاجه بتمر علينا مهما كانت فاحنا اكيد بنتعلم منها درس واكيد هنستفاد منه بعدين فاي حاجه بتحصلي بتعلم منها لبعدين وبعدلها دلوقتي.

Mango_29366 🇪🇬 · Answer

انا بقا غيركو خالص انا بحس بالندم علي حاجه انا
عملتها مع حد يعني مثلا اكون بهزر مع حد و افضل
طول اليوم حاسس ان انا زعلتو و افضل ندمان علي الانا
قلتو ده طول اليوم او مثلا اندم ان انا عاتبت حد في
وقت كان لازم فعلا ان انا اعتبو فيه علشان هو
غلط جامد و اقول طب انا ليه عاتبتو هو اکید اضايق و اندم اني عاتبتو وبكره اوي شعور الندم ده لدرجه ان
مببقاش عايز حد يحس بيه وباجي علي نفسي كتير و
مش بردا اعاتب حد و اغلطو حتي لو هو غلط فيا جامد
علشان بس محسسوش بشعور الندم

Donut_31441 🇪🇬 · Answer

انا غبية جدااا معنديش ثقة بالنفس خالص ودا مش بيبان عليا من برا لأني حاولت كتير اوي اخبي دا فبيجيلي فرص كتير كويسة اوي محلمش بيها في دراسة وبعدين بقى في شغل وجواز وحقيقي بضيعها كلها لأني برفض منغير ما اجرب وبدي انطباع وحش اوي للناس وقتها لأني مبحاولش رغم اني ممكن لو حاولت انجح جدااا بس انا بخاف اواجه اصلا بخاف اجرب بخاف ادخل في حوار عشان مش عايزة اواجه الناس ولا اهلي ولا المجتمع واضطر اني اتعامل فبطلع اجري والناس بيفهموه اني فاشلة رغم اني فعلا يجي مني ...انا مش خايفة افشل انا خايفة اجرب اصلا وخايفة بجد من كل اللي حواليا معرفش بكتب الكلام دا وانا مستنية اسمع ايه ماهو أكيد هتقولولي واجهي بس انا زعلانة اوي على اللي ضيعته وخايفة اوي ميجليش زيه تاني وتعبت لأن لو جالي فرصة تانية هضيعها بردو ايه الحل ااااه

Watermelon_32252 🇹🇷 · Answer

الندم شي مش لحتى تخجل منه . .
ولا توقف عنده . .
بالعكس عشان تتعلم منه و تكمل حياتك ..
وما تعيده ..
المشكلة يلي صعبة علينا كلنا انه احنا بنعلق حالنا بزمان واحد و مكان واحد ..
لازم نطلع بسرعة و نغير الحاضر تبعنا ..
الماضي عدا ❤️

Mushroom_34892 🇪🇬 · Answer

اه ندمان جدا ندمان على العمر الي بيعدي وانا مش عارف انجح في حاجه ندمان على الصحه الي بديعها بي ايديا ندمان على الناس الي في يوم قالو احنا منك ندمان على الصحاب الي قولت عليهم اخواتي ندمان على الطيبه الي فيا ندمان على الحب الي مش في مكانه وندمان كمان على كل ثنيه بعديها وانا بعيد عن ربنا😞😞

Strawberry_34197 🇪🇬 · Answer

نمدت بجد على حاجه ضيعتها من ايدي يا عالم هترجع تاني ولا لاء هي كل مرا بترجع اه بس المرادوي كانت غير كل المرات ف بتمني انها ترجع ع انا مش عارفه اكمل حياتي من غيرها هي بجد كانت كل حاجه في حياتي و حتي لو مرجعتش هتفضل اغلى واحسن حد قابلتو في حياتيي