ازاى عارف تعيش وانت وحيد ؟

Question

احكلنا انت وحيد ولا لا ولو وحيد ازاى قادر تتخطي الموضوع وتعيش عادى وبتعمل ايه في المناسبات وفي الاوقات اللي بتحتاج فيها لحد جمبك

Mango_34456 🇪🇬 · Answer

الوحدة بتبقا احلي حاجه وخاصه ان وجودك مع الناس بيضرك وان الناس دي مش بتحبك ولا بتحبلك الخير 
الوحدة تعلمك ازااي تعتمد ع نفسك ف حاجات كتير تفتحلك وقت كتير تقرأ فيه كتب وتسمع افلام ومسلسلات هتعلمك حب الذات وازاااي تكون انت الشخص رقم واحد ف حياتك وباقي الناس بعدين 
هتعلمك ازاااي تفرح نفسك بنفسك من غير م تحتاج اي حد هتعيش حياتك براحتك من غير ميكون في حد يديك رأي او يفرض عليك حاجه

_ افجي ♕♡
وحيد لكن سعيد بوحدتي

Sugar_35075 🇪🇬 · Answer

عمري ما كنت بقدر اعيش لوحدي..لحد ما ف يوم معين ..كنت عايزة اروح سينما وصحابي مصممين ع فيلم معين مش حباه ..صممت ع رأيي ودخلت فيلم عاجبني لوحدي تماما ..لاول مرة ف حياتي كنت اعمل حاجة لوحدي ...وكنت حرفيا بترعش ف السينما من الرعب معرفش ليه بس كملت وكنت فخورة بنفسي ..بعدها بفترة نفس الموقف اتكرر ف انه نروح مكان معين وهما برده رافضين ومكسلين ..روحت لوحدي وكملت اليوم لوحدي عادي ..واتكرر الموقف ف مؤتمر مهم ..وبرده سافرت وروحت لوحدي وخلاص اتعلمت ابقا لوحدي وابقا مبسوطة كمان ..هو موقف وقرار وبعدها الدنيا كلها بتتظبط

Marshmallow_32250 🇪🇬 · Answer

مش عارفة اتخطي كوني وحيدة ومعنديش أصحاب مبلاقيش حد يشاركني حزني او سعادت حتي ابسط الاشياء الي هو عيد ميلادي مبلاقيش حد يعملي استوريهات زي اي بنت عندها اصحاب ،، اوقات كتير ببقي محتاجة بنت زيي صاحبتي اقدر اشاركها اي حاجة ،، الموضوع صعب بجدد 😶

French Fries_35393 🇪🇬 · Answer

عندي صحاب كتير و كلهم انا متأكدة أنهم بيحبوني و انا كمان بحبهم اوي و الله بس عمري ما حسيت معاهم أنهم صحابي بجد انا و دايما حاسة بوحدة حتى و هما معايا و بلاقيهم بيتكلموا في مشاكلهم و في كل حاجه و انا كل ما اجي اتكلم في حاجه اسكت و احس اني مش عايزة اتكلم معاهم و مش حاسة بالالفة معاهم مش عارفه انا بس اللي بحس بكدا ولا ايه

Marshmallow_26822 🇪🇬 · Answer

بحاول أتأقلم مع الوضع وبشغل بالي بنفسي، بس أكيد بيعدى عليا أوقات كتير ببقى مفتقدة الونس، مفتقدة الرفقة وممكن كمان أتأثر وعادي جدا
بس لازم أمشي حياتي و موقفش حياتي عند النقطة دي رغم انها موجعه بالنسبالي❤️‍🩹

Strawberry_34197 🇪🇬 · Answer

ساعات الوحده بتبقا احسن من اي تجمعات يعني عندك مثلا تجمعات الاهل بتبقا كلها تحكمات فيك اعمل دا وماتعملش دا و تجمعات الصحاب دايما هتلاقي نفسك غريب عنهم وفي حاجات كلهم يعرفوها الى انت لا لمابتتجمع مع نفسك هتحس براحه نفسيه ان مافيش اي تحكمات انت بمزاجك وبس

Mushroom_35656 🇪🇬 · Answer

بصراحه الموضوع صعب جدا احساسى طول الوقت انى وحيده 
بس بحاول اتاقلم وأقنع نفسى أن الناس دى مش شبهى أو انا مش شبههم طريقه تفكيرى غير 
واحيانا بحس ان المشكله فيا 
والله يجماعه لما بشوف اى صحاب مع بعض بيبقى قلبى بيوجعنى وببقى عايزه اقولهم مش هتكملو وكل اللى بيحصل دلوقتى هيكون ذكرى 
ياريت تقولولى اتخلص من الشعور دا ازاى ؟!

Coffee_35055 🇪🇬 · Answer

اتعودت ابقي وحيد ومحكيش ومتكلمش ... من كتر الخذلان 
مع اني شخص اجتماعي جدا وبحب الحروجات والاصحاب والكلام والرغي 
للاسف الوحده  بتيجي بالتعود .... لقتني مبسوط جدا بالوحده 
بس لو قادر_ه تبقي وسط اصحابك والناس اللي بتحبهم 
اعمل ده ..... 
انا كنت محظوظ اني عندي صاحب بالدنيا كلها .. فضل ورايا يوميا يجيلي ويتصل عليا علشان مبقاش لوحدي 
ودلؤقتي انا معاه 🥰

Mushroom_34892 🇪🇬 · Answer

انا منعزلتش الوحده هى الي جاتلي جتلي لما لقيت نفسي من كل مرحله بخلصه مليش نفسي اني طلعت بي أصحاب جتلي لما لقيت كل الي حوليا مبسوطين وبيخروجو وانا قاعد مع نفسي جاتلي لما لكل الي حوليا بيقولوا احنا اخواتك وحبيبك وتلقيهم يلا خروجه يروحون من غير ما يقولك أو اقولك على حاجه يشغلوك معلش أنته هتروح كذا وتبقا حصلنا بي معني أنته مش هينفع تيجي معنا وبرده أنته بتراديهم وتخلص ليهم فنا ملقتش اكتر من نفسي اني اقعد معها مع اني لما اقعد مع نفسي وافكر في الي بيحصلي بتعب اكتر

Coffee_37013 🇪🇬 · Answer

اتعودت لدرجه انى مبقتش محتاج حد ف حياتى ومبزعلش لو ف يوم ملقتش حد حوليا وقت مانا محتاجه وبقيت احس انى احسن بكتير وانا لوحدى ومش خايفه ان افضل لوحدى واكبر لوحدى بالعكس بستمتع اكتر وانا لوحدى

Strawberry_37330 🇪🇬 · Answer

الموضوع مكنش صعب بالنسبالي مع ان فطره الانسان هي التعاون و الاجتماعيه و المشاركه ، انا في الفصل مثلا بحب اقعد لوحدي و مش جنبي حد في ناس بتفتكر اني بتكبر عليهم او مش بحبهم بس بالعكس ببقى مرتاحه اكتر و مبسوطه لوحدي ، انا مبحبش المشاركه ابدا حتى مع اسرتي و هما بيضايقوا جدا من الموضوع دا بس دا طبعي و مش بقدر اغيره ، مثلا معنديش صحاب كتير ممكن نقول معارف بس و مش بخرج من البيت

Donut_38353 🇪🇬 · Answer

لغاية دلوقتي مش عارفة اتعامل اوي للاسف وحاسة بفراغ كبير
ربنا بيعوض الحمدُ لله ، بس عوضي هو جوزي اللي للاسف انا جاية عليه اوي لاني علي طول محتاجاه علي طرل عايزاه جنبي وعلي طول بيكون هو شريك لحظات كتير وده ساعات ممكن يكون بييجي علي احتياجاته هو، هو عمره ما حسسني ب ده بس انا بدأت احس ان مسكتي فيه مخلياه عطلان ف حاجات كتير ومش لاقي وقت لنفسه

Coconut_37511 🇪🇬 · Answer

بفتكر اني عمري م اذيت حد وكل اللي دخلوا حياتي اذوني وبفتكر الوجع اللي لحد دلوقتي موجود في قلبي وبفتكر ازاي صعبت عليا نفسي لأني عمري مكنت شخصيه مؤذيه وبحب وبتعلق بالأشخاص بصدق ف بحمد ربنا انو كشفلي حقيقتهم قبل فوات الاوان واديني بحاول اتعافى..

Cookies_38657 🇪🇬 · Answer

بكل بساطه عشان اتعلمت احب وحدتي .. اتعلمت اقدر قيمه الوقت الي بكون فيه مع نفسي عشان انا فعلا بحبني .. عرفت ازاي اتبسط وانا لوحدي لأنو في الاول والاخر انا كنت لوحدي وانا بعيط وانا الي سندت نفسي بنفسي وانا الي خرجتني من اسوء فتره في حياتي وانا الي عملت كل حاجه لنفسي .. محبهاش ليه ؟ ومحبش الوقت لوحدي مع نفسي ليه .. بالعكس بقدرو جدا وبحترمو جدا وبعرف قيمتو كويس 🤍

Mushroom_37399 🇪🇬 · Answer

انا افضل ونيس ليا هى وحدتى لانى هكون اكتر وحده فاهمه نفسي وفاهمه حياتى مش تروح تحكى مثلا مع شخص ولا يستاهل ثقتك ولا حبك ليه لانو ببساطه شخص منافق خليك دايما متصالح مع ذاتك لانو سندك هو انت نفسك

Cheese_39222 🇪🇬 · Answer

عشان اتعودت عليها حبيتها عشان هي اريح لدماغي وتفكيري ودنيتي عشان مفيهاش مشاكل عشان خليتك تحب نفسك اكتر وتخاف عليها اكتر وتشوف أن بوحدتك انت عايش في سلام وامان ومفيش مشاكل في حياتك ومفيش صدمات ومفيش خذلان من حد فطبيعي تتحب كل ماتحاول تطلع منها ترجع ليها تاني فهي مستحملاك وشايلة عنك نفسك وتفكيرك

Durian_40092 🇪🇬 · Answer

مش عارف بس الموضوع مؤلم فشخ وانا الصراحه مش عارف اتقألم ومش عارف ازاي ناس متأقلمه معاه حاولت كتير ومعرفتش 
ومهما حاولت بفضل مضايق وتمنيت الموت بس هل بجد اقدر اعيش لوحي وانا حاسس بلوحده طول الوقت